Bul týraly onyń resmı ókili Stefan Dıýjarrık málim etti, dep habarlady TASS. Onyń aıtýynsha, BUU ákimshilik basshysy Reseı, Iran, Túrkııa qol qoıǵan kelisimdi qoldaıdy. «Bul ýaǵdalastyq sırııalyqtardyń ómirin jaqsartýda óte mańyzdy. Bas hatshy qarýdyń barlyq túrin, ásirese avıasııany paıdalanýdy toqtatý, kedergisiz gýmanıtarlyq kómek berý, sondaı-aq medısınalyq kómek jetkizý jáne beıbit turǵyndardyń negizgi qajettiligin qanaǵattandyrý úshin jaǵdaı jasaý mindettemesin qoldaıdy», - delingen Dıýjarrıktiń hatynda. Bul rette ol adamdardyń turýy úshin qaýipsiz aımaq qurý olardyń basqa elderden baspana izdeý, alý quqyǵyna áser etpeýi tıis ekenin atap ótti. Bas hatshynyń ókili habarlaǵandaı, BUU Qaýipsizdik keńesiniń qarary aıasynda Sırııadaǵy jaǵdaıdy deeskalasııalaý boıynsha kúshke qoldaý kórsetýdi jáne tutqyn almasý, mınadan tazalaý máseleleri boıynsha Astanadaǵy pikirtalasqa járdemdesýdi jalǵastyratyn bolady.
BUU basshysy Astanada Sırııa máselesine qatysty qabyldanǵan kelisimdi qoldady
140 ret
kórsetildi
BUU Bas hatshysy Antonıý Gýterrısh beısenbi kúni Astanada qol jetkizilgen Sırııada deeskalasııa aımaǵyn qurý týraly ýaǵdalastyqty qoldady jáne ol el turǵyndarynyń jaǵdaıyn jaqsartý úshin mańyzdy dep sanaıdy.