Aýyl sharýashylyǵy basqarmasy BAQ ókilderin kórmege taýar jiberetin biraz kásiporyndarmen tanystyrdy. Qazyǵurt aýdanynyna qarasty Qaqpaq aýylyndaǵy «Qarqyn-2030» JShS-i 2009 jyly iske qosylǵan. Kásiporyn shujyq ónimderin óndirýmen aınalysady. Zaýytta «Nárlen» saýda belgisimen tańbalanǵan shujyqtyń 60-qa tarta túri daıyndalady. Kásiporynnyń qýattylyǵy táýligine 1,5 tonnaǵa deıin jetedi. Elimiz úshin mańyzdy shara kezinde kórme konaqtaryna atalǵan seriktestikten 15 tonna shujyq ónimderi jóneltilmek. Saıram aýdanynda ornalasqan «Mankent Agro» aýyl sharýashylyǵy óndiristik kooperatıvi 2016 jyly qurylǵan. Kooperatıv quramyna búginde 1200-ge jýyq sharýa qojalyǵy engen. Seriktestik, negizinen kókónis, jemis-jıdek pen dándi daqyldar ósiredi. Koopertıvtiń jalpy jer kólemi 5489 gektar bolsa, onyń ishinde sýarmaly jer 2100 gektardy quraıdy. Saıramdyq sharýalar EKSPO kórmesine 1690 tonna kókónis ónimderin jetkizýdi josparlap otyr. Aýdandyq aýyl sharýashylyǵy jáne jer qatynastary bóliminiń basshysy N.Kópeevtiń aıtýynsha, sharýalarǵa jeńildik jasaý maqsatynda olardyń jol jáne avtokólik shyǵyndary demeýshiler tarapynan uıymdastyrylýda. Baǵa tıimdi bolsa, saıramdyq sharýalar EKSPO kórmesine 4000 tonnaǵa deıin ónim aparýǵa yntaly. Baqtııar TAIJAN, «Egemen Qazaqstan». Ońtústik Qazaqstan oblysy.
Ońtústik Qazaqstan EKSPO kórmesine 13 myń tonna ónim jetkizedi
245 ret
kórsetildi
Ońtústik Qazaqstan obysynyń 35 iri kásiporny Astanadaǵy EKSPO-2017 kórmesine 13 myń tonnaǵa jýyq azyq-túlik jetkizýdi josparlap otyr.