– Myrzaǵalı Qulanuly, jartylaı fınalǵa shyqqan 8 boksshydan tek 4-eýi ǵana fınalǵa joldama aldy. Osyndaı nátıjeni kúttińiz be? – Jigitter berilgen tapsyrmany tolyq oryndaı almady. Áıtpese, budan da joǵary nátıjege qol jetkizer edik. – Qalaı oılaısyz, tóreshiler 64 kıloda synǵa túsken Bekdáýlet Ibragımovke ádiletsizdik jasaǵan joq pa? – Kez-kelgen boksshy myqty ekenin rıngte dáleldeý kerek. Bul keshte Bekdáýletti jeńildi dep aıta almaımyn. Biraq, ol da tapsyrmany tolyq oryndamady. Ol kimmen judyryqtasatynyn bildi. – Qabaǵy jarylǵan Abylaıhannyń jaǵdaıy qalaı? – 7 mamyrǵa deıin jaraqaty táýir bolyp qalady dep úmittenemin. Abylaıhan búgin jaqsy urysqanymen, kóp qatelikterge boı aldyrdy. Fınalda olaı judyryqtaspaýy kerek, qarsylasyna jańa taktıkalar oılastyratyn bolamyz. – Fınaldyq aıqasta kimderden úmit kútesiz? – 91 kılodaǵy Vasılıı Levıtten basqasy ózbek boksshylarymen rıngte ózara myqtyny anyqtaıdy. Sondyqtan da chempıon bolamyn degender sol kúni janyn salyp aıqasýy kerek. Bizdińshe, 69, 81 jáne 91 kılo salmaqtaǵylardyń jeńiske jetý múmkindikteri joǵary. Al asa aýyr salmaqtaǵy Qamshybek óz-ózin qamshylasa, ol da chempıon bolyp ketýi ábden múmkin. – Chempıonat aldyndaǵy josparlaryńyz oryndaldy ma? – Ony aıtý áli erte. Bizge eń bastysy álem chempıonatyna joldama alý. Alda shırek fınalda súringen eki boksshymyz joldama úshin talas júrgizedi. Germanııaǵa tolyq qurammen baryp jatsaq, josparymyzdyń biri oryndaldy deýge bolady.
Áńgimelesken Almas MANAP, «Egemen Qazaqstan». Tashkentten
Eske sala keteıik, búgingi jartylaı fınaldyq keshte Abylaıhan Júsipov (69 kg), Erik Áljanov (81 kg), Vasılıı Levıt (91 kg) jáne Qamshybek Qońqabaev (+91 kg) óz jekpe-jekterin jeńip, altyn medal úshin talas júrgizedi. Al jeńilis tapqan Azamat Isaqulov (52 kg), Qaırat Eralıev (56 kg), Bekdáýlet Ibragımov (60 kg) jáne Ábilhan Amanqul (75 kg) sary qurlyq chempıonatynyń qola júldesin mise tutty. Aldaǵy bolatyn kezdesýlerdiń kestesi: 6 mamyr (senbi) Keshki sessııa (19:00 Astana ýaqytymen) 81 kg. Fınal. Erik Áljanov – Bektemır Melıkýzıev (О́zbekstan) 91 kg. Fınal. Vasılıı Levıt – Sýmıt Sangvan (Úndistan) 7 mamyr (jeksenbi) Keshki sessııa (19:00 Astana ýaqytymen) 69 kg. Fınal. Abylaıhan Júsipov – Shahram Gııasov (О́zbekstan) +91 kg. Fınal. Qamshybek Qońqabaev – Bahodır Djalolov (О́zbekstan).