О́zbekstan Astanasy Tashkentte ótip jatqan Azııa chempıonatynda 81 kılo salmaqta judyryqtasqan Erik Áljanov fınaldyq aıqasta jeńiliske ushyrady.
Erik Áljanov pen ózbek boksshysy Bektemir Melıkýzıev arasyndaǵy kezdesý birden alma-kezek shabýyldarmen bastaldy. Áljanov alǵashqy raýndta shıraq qımyldap, birneshe soqqysyn daryta aldy. Nátıjesinde, bes tóreshiniń úsheýi qazaq boksshy birinshi raýndta jeńdi dep sheshim qabyldapty. Al qalǵan eki kezeńde Áljanov sharshap qalǵandaı kórindi. Osy sátti ózbek boksshysy der kezinde paıdalanyp, oılastyrǵan aıla-tásilderin utymdy paıdalandy. Qorytyndysynda, Rıo olımpıadasynyń kúmis júldegeri B.Melıkýzıev jeńiske jetip, Azııa chempıony atandy. Almas MANAP, «Egemen Qazaqstan». Tashkentten