Jetisýlyq velomarafonshy Sársen Qasymov jasy elýden assa da óńirdegi aýdan, qalalardy qos dóńgelekti «arbamen» aralaýdy josparlap, eki myńnan astam shaqyrym jol júrmekshi.
Eńbekshiqazaq aýdanynan Úshtóbege aıaldaǵan velomarafonshyny jurtshylyq jyly qarsy aldy. Bireýi tańdansa, endi bireý naǵyz azamat dep jatty. Ol osynda kelgenshe 750 shaqyrymdy artqa tastapty. Al, joryqshynyń maqsaty qarapaıym ǵana.
– Jetisý – jumaq meken. Onyń jasyl shalǵyny men syldyraı aqqan ózeni janyńdy rahatqa bóleıdi, sergitedi. Al, meniń joryǵymnyń maqsaty tipten bıik. Ol – Táýelsizdigimizdiń 20 jyldyǵyna ózindik tartýym. Ári bıylǵy Memleket basshysynyń Joldaýyn nasıhattap, salamatty ómir saltyn nasıhattaý, jastardyń velosportqa degen qyzyǵýshylyǵyn oıatý, – deıdi ol.
Velosportshyny qorshaǵan balalar oǵan rasynda da qyzyǵýshylyq tanytty. Joryqshyny biraz jerge deıin shyǵaryp salyp, keıin qaıtty.
Kúmisjan BAIJAN.
Almaty oblysy.