Keleshek – Keden odaǵynda

Saratov qalasynda taıaýda ót­ken ekinshi halyqaralyq ǵylymı-taǵylymdyq konferensııa «Re­seı­diń, Belorýssııanyń jáne Qa­zaqstannyń Keden odaǵy: qalyptasý prob­lemalary men damý perspektı­va­lary» dep ataldy. Bul is-sharany  Saratov memlekettik ýnıversıteti, Saratov kedeni, «Reseı zańgerleri qaýym­dastyǵynyń» Saratov óńirlik  bólimshesi, Saratov oblysynyń  saýda-ónerkásip palatasy, son­daı-aq joǵaryda atalǵan ýnıver­sı­tet­tiń TMD jáne Baltyq boıy elderimen yntymaqtastyq jó­nindegi ǵylymı-bilimı ortalyǵy uıymdastyrdy. Konferensııany ashqan Saratov oblystyq dýmasynyń depýta­ty, zań ǵylymdarynyń doktory, professor, Reseıdiń eńbek sińir­gen zańgeri Galına Komkova  bu­dan  bir jyl buryn alǵashqy konferensııada Keden odaǵyn qurý­dyń  teorııalyq máseleleri kóbi­rek qarastyrylǵan bolsa, endi  bul jańa qurylymnyń is-táji­rıbe­lik qorytyndylaryna nazar aý­darýǵa múmkindik týyp otyr dedi. Saratov kedeniniń bastyǵy, «Re­seı zańgerleri qaýymdas­ty­ǵy» Saratov óńirlik bólimshe­siniń jetekshisi Sergeı Ovsıannıkov Keden odaǵynyń qurylýymen burynǵy shekaralyq keden or­gan­darynyń ishki kedenderge aınal­ǵanyn, bıylǵy 1 shildeden bastap Ozınkı keden beketi jumysy toqtaıtynyn,  úsh memlekettiń kedenshileri taýarlardyń  kedendik tranzıtiniń biryńǵaı rásim­deri sheńberine kóshetindigine qa­tysý­shylar nazaryn aýdardy.  Ke­den odaǵynyń qurylýyna oraı búginde  birqatar mańyzdy baǵyt­tar boıyn­sha  birlesken jumys­tar kú­sheıtilgenin, jańa jumys  forma­lary kózdelip otyrǵanyn jetkizdi. Saýda-ónerkásip palatasynyń vıse-prezıdenti Alekseı Anto­nov­tyń  sózine qaraǵanda,  Keden odaǵy qurylǵannan bergi az ǵana merzimde  Belorýssııa, Qazaqstan jáne Reseıdiń  ózara saýdasynyń kólemi eki esege jýyq ósipti. Sarapshylardyń pikirinshe, dedi ol,  biryńǵaı kedendik  tarıf engizý,  kedendik bajdy joıý  jáne ekonomıkalyq shekteýlerdi alyp tastaý Keden odaǵyna qatysýshy elderdiń ishki jalpy ónimin  bes jyl ishinde 15 paıyzǵa deıin ósiredi eken. Konferensııada Saratov memlekettik ýnıversıtetiniń profes­so­ry, zań ǵylymdarynyń dokto­ry Olga Bakaeva  jumys istep turǵan Keden odaǵy sheńberinde keden salasyn memlekettik ret­teýdiń  quqyqtyq  negizderine taldaý jasady. – Keden odaǵynyń tarıhı qajettiligine, onyń artyqshy­ly­ǵyna kóz jetti, – dedi Qazaqstan Respýblıkasy Saýda ókildiginiń Saratov oblysyn­daǵy ýákili Rýslan Bısenǵa­lıev. – Nátıjesinde respýblıkada taýar aınalymy men bıýd­jettiń tabys bóliginiń óskeni baıqalyp otyr. R.Bısenǵalıevtiń aıtýynsha, 2010 jyly respýblıkamyzdyń Keden odaǵy elderimen syrtqy saýdasynyń kólemi 28,1 paıyz­ǵa artyp,  ol jalpy aınalym­nyń 18,5 paıyzyn qurapty. Reseımen aradaǵy ózara saýda 27,2 paıyzǵa, Belorýssııamen 55,8 paıyzǵa ósipti. Qazaqstan ónim­de­ri­niń Reseıge eksporttalýy 35,9 paıyzǵa artqan. Konferensııanyń jalpy oty­rysynan keıin  «dóńgelek ús­tel» rejimine aýysqan  qatysý­shy­lar jańa quqyqtyq  baza­nyń ornyǵýy men  birtutas ekonomıkalyq keńistikke kóshý jaǵdaıynda halyqaralyq keden yntymaqtastyǵyn, Keden oda­ǵy­nyń qyzmetin  quqyqtyq  ret­­teýdiń ózekti problemalaryn  birlesip talqylady. Konferensııa mazmuny bizdiń elderimiz úshin  ekonomıkalyq damýdyń ke­leshegi  Keden odaǵymen  ty­ǵyz baılanysty ekenin  jáne bir márte uǵyndyrdy. Serikqalı BAIMENShE, «Egemen Qazaqstan» – Máskeýden.