Jastar – el erteńi

О́ńirdegi bilimniń qara shańyraǵy I. Jansúgirov atyndaǵy Jetisý memlekettik ýnıversıtetinde Táýelsiz­di­gimizdiń 20 jyldyǵyna arnalǵan merekelik sharalar júıeli ótkizilip, stýdentter belsendiligi artýda. Oqý jylynyń ba­synda «Táýelsizdik – taǵdyrym» atty keshendi baǵdarlama jasalyp, jastarǵa taǵylymdy tárbıe beretin sharalarǵa basa mán berildi. Aqpan aıynda bilimgerler arasynda «Táýelsizdik – el mereıi» atty jas aq­yndar músháırasy uıymdas­ty­ryl­dy. Eki kezeńnen turǵan músháıraǵa 15 úmitker qatysyp, Otanǵa, týǵan elge, jerge degen sezimderin jyr shý­maq­tarymen órnektedi. Nátıjesinde júz­den júırik atanǵan Nazgúl Aqba­sova birinshi, Qaıym Baqytuly ekinshi, Jansaıa Turǵambekova úshinshi oryndy ıelengen edi. Bizdiń áleýmettik-ekonomıkalyq da­mý jolyndaǵy qarqynymyz, jastar­dyń qoǵamdyq-saıası ómirdegi ustany­myna, olardyń erteńgi kúnge degen senimi men belsendiligine tikeleı baı­lanysty. Osy maqsatta «Meniń Qa­zaq­­stanym: keshe, búgin, erteń» atty ha­lyqaralyq ǵy­ly­mı-praktıkalyq kon­ferensııa ót­ki­zildi. Jastarǵa táý­el­sizdiktiń baǵasyn, qa­dirin uǵyndyrý maq­satynda ýnı­versı­tet­tiń oqytýshy-pro­­fessorlary bilimger­lerdi «Táýelsiz Qa­zaq­stannyń qa­lyp­ta­sýy men damýy» at­ty dóńgelek ús­tel basyndaǵy suh­batqa shaqyrdy. Ba­ıandamashylar Qa­zaq­stan­nyń 20 jylda qol jetkizgen ta­bys­taryn, órkenıetti elder qataryna qo­sylýdaǵy Elbasy N.Nazarbaevtyń qos­­­qan úlesi jaıynda jan-jaqty ba­ıandady. Ýnıversıtette qyzdar tárbıesine mán berý maqsatynda «Qyz – qy­ly­ǵy­men» klýbynyń uıymdasty­rýy­men «Táý­elsizdikke – taǵzym» atty kezdesý ótti. Kezdesýge Jeltoqsan oqı­­ǵa­syna qatysýshylar, qoǵam qaı­ratker­leri men ǵalymdar qatysyp, azattyq kúnge jetý úshin júgi narda, qazany teńde, aıaǵy úzeńgide bolǵan ata-ba­bamyz tozaqtyń ózin, taǵdyr­dyń tezin kórgendigin stýdent jas­tarǵa jetkizip, táýelsiz tir­li­gimizdiń baıandy bo­lýyn tiledi, oǵan úles qo­sýǵa sha­qyrdy. –––––––––––––– Sýrette: erekshe belsendiligimen ta­nyl­ǵan stýdentterdi marapattaý sáti.