Jetisýdyń Bátımasy

Almaty oblysynyń qurmetti azamaty, derbes zeınetker Bá­tıma Sa­qaýova kezinde halyqtyń áleýmettik-turmystyq jaǵ­daıy men má­de­nıetin kóterýge ózindik úlesin qosyp, perzenttik paryzyn ótegen. Sonaý 1968 jyly Taldyqorǵan oblystyq at­qarý komıteti tóraǵasynyń or­ynbasary laýazymynda júr­gende búgingi qaladaǵy áleýmettik ma­ńyzy zor ǵımarattardyń boı kóterýine ózindik qoltańbasyn qaldyrǵan. Bar sanaly ǵumyry men qyzmeti týǵan halqynyń kóz aldynda ótkendikten bolar, búginde ony úlken men kishi aqylshy ana, qamqor jan retinde baǵalaıdy. О́mirdiń san soqpaqty qıyndyǵy men qyzyǵy qatar júre­tini belgili. Sondaı kezde de Bátıma apaı qazaq áıel­derine tán sabyrlylyqty janyna serik etti. Búginde qyzy Roza joǵary bilimdi dáriger, kishipeıil, ınabattylyǵymen de ortasyna syıly. О́mirden ótken joldasy, soǵys ardageri Erkinbaı qarııanyń qut­ty shańyraǵyn ustap, balalary men nemerelerin táýelsiz elimizdiń da­mýyna ózindik úlesin qosýǵa tárbıelegen áje osylaı ǵumyr keshýde. Jetisýdyń jaýqazyndaı jaınaǵan qaıratker qyzdarynyń biri Bá­tı­ma Esbolatqyzy jasy seksenniń seńgirinen asqa­ny­men áli de tyń, jı­yn­dar­da Elbasynyń saıasatyn qoldap, jas urpaqqa aıtar aqylyn jetkizip júr. Qazaqtyń qyzy degen ǵajap atqa laıyq Bátıma apaıdyń ótken ómiri kimge bolsyn ónege, úlgi. Almaty oblysy.