Yntymaqtastyq yrys ákeledi

Keshe Qazaqstan Respýblıkasynyń Syrtqy ister mınıstri Erjan Qazyhanov BUU mekemeleriniń Qazaqstandaǵy basshy­lary­men kezdesý ótkizdi. Ekinshi dúnıejúzilik soǵystan keıin ómirge kelgen, halyqaralyq joǵary bedelge ıe Birikken Ult­tar Uıymyna múshelikke ótý ke­ńestik dáýirdegi Qazaqstan úshin qol jetpeıtin bıikteı kórinetin. Tek elimiz táýelsizdikke qol jetkizgen shaqta baryp qana BUU men Qazaqstan arasynda yn­ty­maqtastyq ornaǵan. Jáne onyń tabysty bolyp júrgeni de aıan. BUU Qazaqstannyń ıadrolyq qarý­dan bas tartý  men ony taratpaý jónindegi bastamasyna qyzý qoldaý bildirdi. Al 19 jyl ishinde Qazaq eli men BUU arasynda júıeli túrde júrgizilgen ynty­maqtastyq jedel damyp, júri­si­nen jańylmaı keledi. Osy jyldar ishinde Qazaq­stan­da BUU-nyń 19 arnaıy ókil­dik mekemesi ashylyp, qorlary men júıelik baǵdarlamalary bel­sendi jumys isteýde. BUU júıesi memlekettiń qalyptasý jáne áleýmettik-ekonomıkalyq qu­rylystyń naryqtyq ekono­mı­ka jaǵdaıyna beıimdelý keze­ńin­de úlken qoldaý kórsetti. Sońǵy jyldary Qazaqstan men BUU qarym-qatynasynda barlyq  salalar boıynsha ózara áreket­teýdiń belsendiligi baıqalady. Máselen, BUU Bas hatshysy Pan Gı Mýnnyń 2010 jyly Qazaq­stanǵa eki márte saparmen kelýi, 2011 jyly onyń oryn­basarlarynyń elimizge atbasyn tireýi, BUU-nyń Jenevadaǵy bóliminiń Bas dırektory Qasym-Jomart Toqaevtyń BUU Bas hat­shysynyń orynbasary laýazy­myna taǵaıyndalýy men  BUU-nyń elimizde birqatar keń aý­qymdy forýmdarynyń ótkizilýi joǵaryda aıtylǵan oıdyń naqty dáleli bolyp tabylady. Elimizdiń syrtqy saıasat ve­dom­stvosy basshysymen ótken kez­desý barysynda qarym-qaty­na­symyzdy jańa sapalyq deń­geı­ge kóterý perspektıvalary jaı­ynda aıtyla kele, taraptar táýelsiz Qazaqstannyń 20 jyl­dyq tarıhyndaǵy BUU men ara­da­ǵy  yntymaqtastyq nátıje­le­rin joǵary baǵalap, aldaǵy ýa­qyt­taǵy da ózara árekettesýdiń múmkinshilikterin belgiledi. Son­daı-aq áńgime kezinde Almaty qa­lasyn kópjaqty dıplomatııanyń sýbaımaqtyq deńgeıdegi júıelik torabyna aınaldyrý boıynsha jáne BUU-nyń eldegi údemeli ındýstrııalyq-ınnovasııalyq damý baǵdarlamasynyń júzege asy­rylýyna qatysý máseleleri jan-jaqty talqylandy. Iá, qaı kezde de ynty­maq­tastyq yrys ákeletini aıqyn. Álem tútininiń durys ushýyna uzaq jyldar boıy aralasyp, ýáli sózin aıtatyn BUU-men ynty­maq­tastyq elimizdiń yrysyn molaıta túskeı. Anar TО́LEÝHANQYZY.