Elbasynan úırene bileıik

Memleket basshysy Nursultan Nazarbaevtyń ústimizdegi jyldyń 27 qańtardaǵy Jarlyǵymen maýsym aıyn «Patrıotızm» uranymen ótkizý belgilengen edi. Elbasynyń tapsyrmasyn júzege asyrý maqsatynda Qostanaıda Patrıottar forýmy uıymdas­ty­rylyp, oǵan elimizdiń barlyq aımaǵynan ókilder qatysqan bolatyn. Osymen tórtinshi ret uıymdastyrylǵan aıtýly shara dittegen maqsatyna qol jetkizdi dep úlken senimmen aıtýǵa negiz bar. Ony sol sharaǵa qatysqan delegasııa ókilderiniń tómendegi  toptamada berilgen pikirleri aıǵaqtaı túsedi. Elimiz táýelsizdik alǵaly bergi kezeńde alǵash ret ótken Patrıottar forýmynan erekshe áserge bó­len­dik. О́ıtkeni, bul ádettegi jıyn emes edi. Ási­re­se, bul forýmnyń táýelsiz­dik­tiń eleń-alańynda ómirge kelgen, búgin­de aldy eńbekke aralasa bas­taǵan jastar úshin óne­geli shara bolǵany daýsyz. Forýmda sóz alǵan Shota Ýálı­ha­novtaı memlekettik rámiz av­to­rynyń, Mádenıet mınıstri Muhtar Qul-Muhammedtiń sheshendik sóz­deri jastar júregine otan­shyl­dyq, eljandylyq qa­sıet­tiń sáýlesin sebezgiledi. Jalpy, qazaq jastary eldiń patrıoty bolýdy kimnen, qalaı úırený qajet? Qazaq eli Táýel­sizdiktiń 20 jylynda buryn-sońdy qol jetpegen jasampaz istermen, tolaıym jetistiktermen qarqyndy damýǵa qalaı qol jetkizdi? Búginde táýbe deıik, Qazaq elin, qazaq halqyn jahan jurty tanydy. Qazaq eli dese eleńdemeıtin, iskerlik, ekonomıkalyq baılanys orna­tý­ǵa, bizdegi ózge jurtqa úlgi bolardaı reformalarymyzdan ónege alýǵa umtylmaıtyn, HHI ǵasyrdaǵy álemdik sáýlet óne­ri­men jarqyraǵan jaýhar elor­damyz – Astanamyzǵa tańdan­baı­tyn, tamsanbaıtyn el joq. Qa­zaqstandy 20 jylda álem ta­nyǵan jańa turpattaǵy memleket retinde qalyptastyrýda Tuńǵysh Prezıdentimiz Nursultan Nazar­baevtyń eren eńbegi bar. Sózi men isi qabysqan qazaqtyń naǵyz pat­rıoty Nursultan Nazarbaev dep bilemin.  Nursultan Ábishuly­nyń qazaqtyń elin de, jerin de, tilin de súıetini, álem elderi aldynda qazaqtyń abyroıyn as­qaqtatqany barshamyzdyń mereıimizdi tasytty. Qazaq jastary eliniń pat­rıo­ty bolýdy aldymen Elbasymyz Nursultan Nazarbaevtyń memleket qurýdaǵy tájirıbesinen, saıasatkerliginen úırense deımiz. Keıde áldebir adamdardyń «Men – elimniń patrıo­ty­myn!» dep keýde kere sóı­le­genimen, isinen patrıottyqqa juǵyspaıtyn áreketter kórip júremiz. Al Nursultan Nazarbaev keýdemsoqtyq tanytpaı-aq Qazaq elin EQYU-ǵa tóraǵa etti. Osy uıymǵa múshe el­der­diń basshylaryn jınap, Astana Sammıtin ótkizdi. Endi ja­qynda Qazaq eli Islam Kon­ferensııasy Uıymyna tóraǵa­lyq tizginin ustamaq. Budan ózge, Qazaq eliniń aralasýymen túrli sharalary ótip jatatyn halyqaralyq uıymdar qansha­ma! Mine, osynyń bárin oı eleginen ótkizgende, eldiń keleshegi úshin erinbeı eńbek etý arqyly keıingi tolqynnyń boı­yna otanshyldyq, eljan­dy­lyq qasıetterdi sińirýge bolatynyna kóz jete túsedi. Keıbireýler patrıot bolý úshin erlik kórsetý qajet deıdi. Búgingi órkenıetti, beıbit  qoǵamda áskerılerge tán erlikti kórsetý barshanyń mańdaı­y­na jazyla bermeıdi. Biraq, solaı eken dep qoǵamdyq damýǵa, eldiń áleýmettik-ekonomıka­lyq órkendeýine atsalysýdan shetteýge bolmas. Menińshe, ár qazaqstandyq týǵan Otanyna, eliniń keleshegine adal qyzmet etýimen de patrıot bola alatynyn umytpasa eken. Damırbek IDRIS, Atyraý oblystyq jastar máslıhatynyń tóraǵasy. Atyraý oblysy.