Patrıot bolý, elin, jerin súıý – otbasynan

Byltyrǵy  jylǵy orman órti kezinde  aýyl turǵyn­da­ry­na der kezinde kómekke kelgeni úshin Elbasy Jarly­ǵy­men  «Erligi úshin» medalimen marapattalǵan  Jabaǵyly aýy­lyndaǵy dárigerlik bólim­she­niń dárigeri Shattyq Batyrhanova osylaı deıdi: Qostanaı qalasynda bol­ǵan «El patrıottary»  fo­rýmy­nan, shynyn aıtsam,  úl­ken ásermen oraldym. Eldiń pat­rıoty, onyń taǵdyryna jaý­apty adamdardyń biri retinde meniń osy forýmǵa sha­qy­rylǵanymnyń ózin baqyt dep sanaımyn. Biz 80-jyl­dardyń elim, jerim dep ósken órshil rýhty jastarymyz ǵoı. Bizden keıingi jastarǵa osy rýh Qostanaıda uıym­das­ty­ryl­ǵan forýmdar arqyly jetse deımiz. Men ózim Lebıaji aýdanyndaǵy týyp-ósken aýy­lym Tósaǵashqa Arqalyq qa­lasyndaǵy dárigerlik ýchılısheni bitirip, 1985 jyly keldim. Qazir aýyldyń órkendeýi – eldiń órkendeýi dep júrmiz ǵoı.  Al bizder sol kezde-aq esh­kim bizdi dál búgingideı uran­datyp shaqyrmasa da el ishine, aýylǵa keldik, eldiń pat­rıoty boldyq. Bú­gingi urpaq oıly urpaq bolsa ǵana osy pat­rıot­tyq márege jetip, eli men jerine adal qyzmet jasaı alady. Iá, taǵdyr degen sol, ózimniń jastyq shaǵym ótken qalaǵa jaqyn Qostanaıdy taǵy bir kelip kórgenime qýandym. Árıne, osy jerde, osy elde týyp-ósken soń eshteńeden tys qalyp ómir súre almaısyń. Forýmda bas qosqan qaýymdy kórip, eliniń bo­lashaǵy úshin qyzmet etip, ja­lyn­dap júrgen mynadaı jastar barda elimizdiń tiregi myqty dep oıladym. Bizdiń aýyl shalǵaıda qalyń orman shetinde ornalasqan. Byl­tyr tosynnan kelgen apat – órt kezinde qıyndyqtar kórdik. Jalǵyz men ǵana emes, basqa da aýyl adamdary oblys orta­ly­ǵynan kómek kelip jetkenshe tilsiz jaýmen alystyq. Jylaǵan bala, úılerinen qash­qan aýyl  turǵyn­da­ry, jalańdaǵan órt, kóz aldyńyzǵa elestetip kórińizshi, qa­zir oılasam,  qorqy­nysh­ty, al ol kezde bizde oılanýǵa mur­sat bolǵan joq, aýyl­dy, jurtty apat­tan saqtap qalýǵa jan saldyq. Árıne, men dáriger bolǵan soń, basty mindetim – adam­dardy ajaldan arashalap, der kezinde kómekke kelý. О́rt kezinde de osy mindetime adal bolýǵa bar kúsh-jigerimdi jumsadym. О́zim úsh bala tárbıelep, ósirip otyrmyn. Otanǵa, tý­ǵan aýylǵa, elge degen mahabbat, patrıottyq sezim ot­basynan bastalady, jubaı­ym ekeýmiz  balalarymyzdyń da osy jolda, osy maqsatta tárbıelenip, elimizdiń  jaq­sy azamattary bolýyna úles qossaq deımiz. Pavlodar oblysy, Lebıaji aýdany.