Jańa kitap
KSRO jáne Qazaqstannyń halyq ártisi, KSRO Memlekettik syılyǵynyń laýreaty, dańqty akter Asanáli Áshimulynyń «Almaty aqshamynyń» kitaphanasy» serııasymen «Meniń janrym – kúndelik» atty ekinshi kitaby jaryq kórdi.
Bul kitap taraýlary «Almaty aqshamynda» jarııalana bastasymen-aq oǵan oqyrmandardyń yqylasy aıryqsha boldy. Redaksııaǵa hat jazyp, telefon shalǵandardyń oı-pikiri osyndaı baǵyttaǵy dúnıelerdiń jıi jarııalanýy jas urpaq talǵamyn bıiktetedi, oıyn ósiredi degenge kelip saıady. Shynynda ataqty akterdiń kúndeligi oqyrmandy óziniń oılylyǵymen, tereńdigimen, sony kózqarastarymen qyzyqtyrady.
«Arna» baspasynan jaryq kórgen kitapta akterdiń tek kúndeligi ǵana emes, óner ıesi jónindegi áriptesteriniń, qalamgerlerdiń, qarapaıym oqyrmandardyń lebizderi, ár jyldary baspasóz betinde jarııalanǵan maqala, esse, suhbattar da qosa berilip otyr. Sonymen qatar, fotosýretter sherter syr da oqyrmandardy beı-jaı qaldyrmaıdy dep bilemiz. Kitaptyń betasharyna Almaty qalasynyń ákimi Ahmetjan Esimovtiń alǵysózi berilgen.
«Egemen-aqparat».