«Eki halyq – bir taǵdyr»

Osy ataýdy ıelengen kitap pen fotosýretter kórmesi kópshilik nazaryna usynyldy Aqtaýda Ázirbaıjan Respýblıka­sy­nyń Bas konsýldyǵy ashylǵannan beri nebir izgi sharalarǵa uıytqy bolyp keledi. Sonyń biri «Eki halyq – bir taǵdyr» atty kitap pen fotosýretter kórmesiniń tusaý­keseri boldy. Ki­tap­tyń avtory belgili jýrnalıst N.Zadereskaıa. Al osynaý dostas eki halyq­tyń yntymaǵy men dos­tyǵyn, túrli salada­ǵy berik baılany­syn, Mańǵys­taý mu­naıynyń 50 jyldy­ǵyn sóz etetin kitaptyń jaryq kórýine Ázirbaı­jannyń Aqtaýdaǵy Bas konsýly Rashad Mammadov qolushyn berdi. Kitap­taǵy negizgi taraý ejelgi Embi men Baký munaı­shy­lary arasyndaǵy baılanys, ázirbaı­jan­dyq mamandardyń Mańǵys­taýda mu­naı ón­di­risiniń damýyna qosqan zor úlesi jaıly da syr shertedi. Áńgi­mege arqaý etken azamattardyń birazy Bakýdegi Azızbekov atyndaǵy munaı jáne hımııa ıns­tıtýty­nyń túlekteri bol­sa, olar bul kúnderi óndiris mekeme bas­shylary eken. Olar da óz kezeginde avtorǵa da, konsýl­dyq bas­shylaryna da alǵystaryn aıtty. Týystas, kórshiles, enshiles eki eldiń Táýel­sizdik­teriniń 20 jyldyǵy qut-bere­ke, órleý men kemeldený kezeńi bola bersin degen ıgi tilekterin bildirdi. Al Mańǵys­taýda 40 jylǵa jýyq eńbek etken, bul kúnderi oblys ortalyǵyn­daǵy «Halyq kelisimi» qoǵam­dyq bir­les­tiginiń aqsaqal­dary keńe­si­niń tór­aǵasy, Aqtaý qalasy­nyń qurmetti aza­­maty, «Dostyq» ordeni­niń ıegeri Djamıl Iаdýllaogly Gabı­bov­tyń oıynsha, mundaı is-sharalar tatý­lyq­tyń tiregi, dostyqtyń dánekeri. Al ol kitap bolyp jazylyp, sýretter arqyly kór­melerde kórsetilse, qundy­ly­ǵyna baǵa jeter me?! Jolaman BOShALAQ, Aqtaý.