Investısııa – ıgergenge ıgilik

Qatty qaldyqtar kádege jaratylady Aqtaý qalasynda qoqystar­dy keshendi qaıta óńdeý jónin­degi jo­bany júzege asyrý kon­sep­sııasy­nyń resmı tanysty­ry­lymy bol­dy. Oǵan Eýrazııa­lyq qaıta qurý jáne damý banki men «Kovı Konsaltıng» kompa­nııasynyń ókilderi qatysty. Bul atalmysh joba ótken jyly bastaý alyp, ony daıyndaý týraly kelisim-shartqa Mańǵystaý ob­ly­­sy ákimdigi men Eýrazııalyq qaıta qurý jáne damý banki óza­ra qol qoıǵan-dy. Onda jalpy quny 23,8 mln AQSh dollaryn quraı­tyn jobanyń júzege asy­ry­lýy aımaqqa kómilýge jata­tyn qatty turmystyq qaldyq­tardyń kólemin azaıtýǵa, ýly gazdardyń zııandy áserin qys­qar­tý men «Jasyl» ener­gııa ón­dirýge múmkindik beretindigi aıtylǵan-dy. Jobanyń jú­zege asyrylý kezeńi 2011-2014 jyl­­dar dep belgilengen bolatyn. Onyń bári saıyp kelgende ha­lyqtyń ál-aýqatynyń ósýine oraı turmystyq qaldyqtardyń da kó­beıe túsýine baılanysty sharanyń bir parasy. Bulaı deýimizge «Kovı» kompanııasy ma­man­darynyń paıymdaýynsha, 2010 jyly qala­dan shyǵarylǵan qaldyqtar bir turǵynǵa 400 kılogramnan kelgeni dálel. Sondyqtan da atalmysh kompanııa bul máseleni kompleksti túrde sheshý úshin birneshe qundy usynystar usyndy. Ol – qaldyq­tar­dy jınaıtyn konteınerlerdi de, tasymaldaıtyn avtokólikterdi de jańartý. О́ńdeý, aıyrý jelisin iske qosý. Sol arqyly turǵyn­dardyń qaldyqtardy túrli-túrli konteınerlerge salýlaryn kút­peýge bolady eken. Jalpy tur­mys­tyq qaldyqtardy jınaý, óń­deý jáne suryptaý nátıjesinde qor­shaǵan ortanyń ekologııalyq jaǵdaıy jaqsaryp qana qoımaı, turmystyq qaldyqtardy qaıta óńdeý arqyly kádege jaratyla­tyn­dyǵyna qosa, óndiris prosesi negizinde plastmassalyq buıym­dar shyǵarylatyn boldy. Atalmysh jobanyń 2014 jyly Olımpıadalyq oıyndar ótetin Sochı qalasy úshin «qaldyqsyz qala» konsepsııasy retinde qabyl­dan­ǵandyǵy  da aıtyldy. Sóıtip, Aqtaý qalasynda qoqystardy keshendi qaıta óńdeý jónindegi joba Mańǵystaý oblystyq ákimdigi men Eýropalyq odaqtyń birlesken nátıjeli jumysy deýge bolady. Oblys ákimi Qyrymbek Kósher­baev jobanyń aımaǵymyz úshin asa qajet te paıdaly ekendigin tilge tıek etip, Aqtaý qalasy men qalamen irgeles Munaıly aýda­nynyń ákimderine, tıisti basqar­ma basshylaryna jańadan sa­lynatyn qatty turmystyq qal­dyqtar kesheniniń quryly­syn tezdetýge oraı naqty tapsyr­malar berdi. Qoryta aıtsaq, ásem qala mańyndaǵy taý-taý qatty qoqystar men tur­mys­tyq qaldyq­tar­dy ká­dege jaratar kún de alys qal­maǵan tá­rizdi. Jolaman Boshalaq, Aqtaý .