2011 jylǵy 29 sáýir, Astana qalasy
Dene shynyqtyrý jáne sport salasyndaǵy balalar men jasóspirimder klýbtarynyń qyzmetin uıymdastyrý erejesin bekitý týraly
Qazaqstan Respýblıkasy «Dene shynyqtyrý jáne sport týraly» Zanynyń 23-babynyń 21) tarmaqshasyna sáıkes buıyramyn:
1. Qosa berilip otyrǵan Dene shynyqtyrý jáne sport salasyndaǵy balalar men jasóspirimder klýbtarynyń qyzmetin uıymdastyrý erejesi bekitilsin.
2. Sport komıteti osy buıryqty zańnamada belgilengen tártippen Qazaqstan Respýblıkasy Ádilet mınıstrligine memlekettik tirkeýge usynsyn jáne memlekettik tirkelgennen keıin ony buqaralyq aqparat quraldarynda resmı jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Týrızm jáne sport vıse-mınıstri M.E. Omarovqa júktelsin.
4. Osy buıryq alǵashqy resmı jarııalanǵan kúnnen keıin kúntizbelik on kún ótken soń qoldanysqa engiziledi.
Mınıstr T. ERMEGIIаEV.
Qazaqstan Respýblıkasy Týrızm jáne sport mınıstriniń 2011 jylǵy 29 cáýirdegi № 02-02-18/74 buıryǵymen bekitilgen
Dene shynyqtyrý jáne sport salasyndaǵy balalar men jasóspirimder klýbtarynyń qyzmetin uıymdastyrýdyń erejesi
1. Jalpy erejeler
1. Osy Dene shynyqtyrý jáne sport salasyndaǵy balalar men jasóspirimder klýbtarynyń qyzmetin uıymdastyrýdyń erejesi (budan ári – Ereje) «Dene shynyqtyrý jáne sport týraly» Qazaqstan Respýblıkasynyń Zańyna sáıkes ázirlendi jáne dene shynyqtyrý men sport salasyndaǵy balalar men jasóspirimder klýbtarynyń (budan ári – klýbtar) qyzmetin retteıdi.
2. Klýbtyń basty maqsaty:
1) dene shynyqtyrý jáne sportpen shuǵyldaný arqyly salamatty ómir saltyn qalyptastyrý;
2) tulǵanyń shyǵarmashylyq áleýetin ashý arqyly jan-jaqty damýy úshin jaǵdaılar jasaý;
3) balalar men jasóspirimderdi dene shynyqtyrý jáne sportpen júıeli shuǵyldanýǵa tartý;
4) olardyń densaýlyǵy men dene tárbıesin nyǵaıtýǵa baǵyttalǵan balalar men jasóspirimder arasynda dene shynyqtyrý-saýyqtyrý jáne tárbıe jumystaryn júzege asyrý;
2. Klýb qyzmetin uıymdastyrý
3. Sport túrleri boıynsha seksııalar (budan ári – seksııalar) klýbtyń qurylymdyq bólimshesi bolyp tabylady, seksııalardy uıymdastyrý klýbtyń pedagogıkalyq keńesi bekitetin oqý josparymen, jyldyq kúntizbelik josparmen jáne oqý kestesimen retteledi.
4. Klýbtyń jumys ýaqyty ishki tártip erejelerimen anyqtalady.
5. Seksııalardyń jumysy jumys josparyna qaraı tolyq kúntizbelik jylǵa uıymdastyrylady.
Jazǵy demalys kezinde seksııalar arnaıy keste boıynsha (sonyń ishinde oqýshylardyń jańa jáne aýyspaly quramymen) jumys isteýi múmkin.
6. Seksııalardyń tolyqtyǵy tómendegideı talaptardy eskere otyryp, normaǵa sáıkes bolýy qajet:
1) seksııalardyń sandyq quramy sport túrine baılanysty anyqtalady;
2) bir toptaǵy balalardyń jas aıyrmashylyǵy úsh jastan aspaýy qajet;
3) toptyń sany klýbtyń jarǵysyna sáıkes oqý-jattyǵý úderisin júzege asyrýdyń sharttaryna baılanysty anyqtalady.
7. Kesteni jasaǵan kezde mekteptegi, arnaýly orta jáne kásiptik-tehnıkalyq oqý oryndary oqýshylarynyń bos ýaqyty men jumysbastylyq kólemin eskerý qajet.
8. Seksııalardyń jumysyn uıymdastyrý normatıvtik-quqyqtyq aktilerdi memlekettik tirkeýdiń Reestrinde №2816 tirkelgen, Qazaqstan Respýblıkasy Týrızm jáne sport jónindegi agenttigi tóraǵasynyń m.a. 2004 jyly 27 naýryzdaǵy №06-2-2/97 buıryǵymen bekitilgen Dene shynyqtyrý, sport jattyǵýlary men buqaralyq sporttyq is-sharalardy ótkizý kezindegi qaýipsizdik pen sanıtarlyq-gıgıenalyq normalar erejesiniń talaptaryna saı bolýy qajet.
9. Seksııalardaǵy balalardyń sany sport túrine qaraı 25 adamnan aspaýy qajet.
3. Klýbty basqarý
10. Klýbty basqarý alqalyq qaǵıdattary boıynsha júzege asyrylady.
Alqalyq basqarýdyń túri klýbtyń pedagogıkalyq keńesi bolyp tabylady.
11. Klýbty tikeleı basqarýdy dene shynyqtyrý jáne sport salasyndaǵy jergilikti atqarýshy organdar taǵaıyndaıtyn dırektor júzege asyrady.
12. Klýbtyń dırektory dene shynyqtyrý jáne sport salasyndaǵy jergilikti atqarýshy organnyń kelisimi boıynsha klýbtyń shtattyq kestesin, klýb qyzmetkerleriniń qyzmettik nusqaýlyqtaryn, oqý jiktemesiniń kólemin bekitedi.
4. Oqý-jattyǵý úderisin uıymdastyrý
13. Oqý-jattyǵý úderisi balalardyń jumysqa qabilettiligi, olardyń damý dınamıkasy, oqý materıaldaryn ıgerý erekshelikteri men múmkindikteri jáne oqýshyny odan ári jetildirýdiń keleshek qaǵıdattary negizinde júzege asyrylady.
Oqý aptasy ishinde sabaqtardyń uzaqtyǵyn (3-4 kún) dene shynyqtyrý jáne sport salasyndaǵy jergilikti atqarýshy organnyń kelisimi boıynsha pedagogıkalyq keńes bekitedi jáne klýbtyń jarǵysynda tirkeledi.
14. Balalar men jasóspirimderdi klýbqa qabyldaý ata-analarynyń (zańdy ókilderi, qamqorshylary, qorǵanshylary) atynan klýb dırektorynyń atyna ótinish, oǵan qosa oqý ornynan anyqtama, eki 3h4 sýret, densaýlyǵy týraly medısınalyq anyqtama usyný arqyly júzege asyrylady.
Klýbqa qabyldaýǵa usynylǵan qujattardy pedagogıkalyq keńes 3 kún ishinde qaraıdy.
Kórsetilgen qujattar toptamasyn tolyq usynbaý klýbqa qabyldaýdan bas tartýǵa negizdeme bolyp tabylady.
15. Klýbtan shyǵarý ata-analarynyń (zańdy ókilderi qamqorshylary, qorǵanshylary), ótinishteri negizinde sondaı-aq bala sabaqqa dálelsiz sebeptermen 1 aıdan kóp ýaqyt qatyspasa, pedagogıkalyq keńestiń sheshimimen júzege asyrylady.
16. Oqý-jattyǵý úderisi jeke nemese balanyń jasy men jeke múmkindikterin eskere otyryp, jınaqtalatyn topta (shaǵyn top) uıymdastyrylady.
5. Oqý-jattyǵý úderisiniń qatysýshylary
17. Balalar, jasóspirimder jáne olardyń ata-analary (zańdy ókilderi, qamqorshylary, qorǵanshylary), klýbtyń pedagogıkalyq, medısınalyq qyzmetkerleri bolyp tabylady.
18. Klýbtaǵy nusqaýshy-ádisker men jattyqtyrýshy-oqytýshynyń laýazymdyq birlikteri sport túrleri boıynsha seksııalardyń sanyna baılanysty anyqtalady.
Qyzmetti ustaý men onyń negizgi baǵytyna qaraı klýbta pedagog-psıholog, medbıke-massajshy, emdik dene shynyqtyrý mamandary, áleýmettik pedagog qyzmetteriniń laýazymdary qarastyrylady.
Buıryq Qazaqstan Respýblıkasynyń Ádilet mınıstrliginde 2011 jylǵy 20 mamyrda Normatıvtik quqyqtyq kesimderdi memlekettik tirkeýdiń tizilimine №6970 bolyp engizildi.