2006 jylǵy 31 tamyz, Astana qalasy
«Memlekettik ǵylymı uıymdardyń ǵylymı jáne ınjenerlik-tehnıkalyq qyzmetkerlerin attestattaý erejesin bekitý týraly» Qazaqstan Respýblıkasy Bilim jáne ǵylym mınıstriniń 2002 jylǵy 27 jeltoqsandaǵy № 911 buıryǵyna ózgerister men tolyqtyrýlar engizý týraly»
buıyramyn:
1. «Memlekettik ǵylymı uıymdardyń ǵylymı jáne ınjenerlik-tehnıkalyq qyzmetkerlerin attestattaý erejesin bekitý týraly» Qazaqstan Respýblıkasy Bilim jáne ǵylym mınıstriniń 2002 jylǵy 27 jeltoqsandaǵy № 911 buıryǵyna (Normatıvtik quqyqtyq aktilerdi memlekettik tirkeý tiziliminde № 2171 tirkelgen, Ortalyq atqarýshy jáne basqa da memlekettik organdardyń normatıvtik quqyqtyq aktiler bıýlleteninde 2003 j., № 23-24, 855-qujatta jarııalanǵan, Normatıvtik quqyqtyq aktilerdi memlekettik tirkeý tiziliminde № 3653 tirkelgen Qazaqstan Respýblıkasy Bilim jáne ǵylym mınıstriniń 2005 jylǵy 19 mamyrdaǵy № 311 buıryǵyna sáıkes engizilgen ózgerister men tolyqtyrýlar) mynadaı ózgerister men tolyqtyrýlar engizilsin:
kórsetilgen buıryqpen bekitilgen Memlekettik ǵylymı uıymdardyń ǵylymı jáne ınjenerlik-tehnıkalyq qyzmetkerlerin attestattaý erejesinde:
5-tarmaq mynadaı redaksııada jazylsyn:
«5. Attestattaýdan júkti áıelder bosatylady. Eńbek demalysyndaǵy tulǵalar, bala kútý demalysyndaǵy áıelder, sondaı-aq dáleldi sebepter boıynsha qatyspaǵandar jumysqa shyqqannan keıin attestattaýdan ótedi.»;
7-tarmaq mynadaı redaksııada jazylsyn:
«7. Memlekettik ǵylymı uıymdarda, onyń ishinde enshiles memlekettik kásiporyndarda, attestattaýdy ótkizý úshin 7 adamnan turatyn attestattaý komıssııalary qurylady, olar attestattaýdyń nysany men rásimderin, attestattaýdy ótkizýdiń naqty merzimderin aıqyndaıdy, attestattalýshynyń jumysyna taldaý jasaıdy, attestattaýdyń qorytyndylary boıynsha sheshimder shyǵarady.»;
8-tarmaq mynadaı redaksııada jazylsyn:
«8. Memlekettik ǵylymı uıymnyń attestattaý komıssııasy kadr qyzmetiniń usynysy boıynsha ǵylymı uıymnyń basshysymen qurylady. Enshiles memlekettik kásiporynnyń attestattaý komıssııasy negizgi jáne enshiles kásiporyndardyń kadr qyzmetteriniń usynysy boıynsha negizgi kásiporynnyń basshysymen qurylady.»;
9-tarmaq mynadaı redaksııada jazylsyn:
«9. Memlekettik ǵylymı uıymdardyń attestattaý komıssııasynyń quramyna attestattaý ótkiziletin ǵylymı uıymnyń basshylary, kadr jáne zań qyzmetteriniń qyzmetkerleri jáne bilimniń belgili bir salasynda ǵylymı jáne (nemese) ǵylymı-tehnıkalyq qyzmetti júzege asyratyn basqa da uıymdardyń ókilderi kiredi. Ǵylymı uıymnyń basshysy attestattaý komıssııasy músheleriniń arasynan komıssııanyń tóraǵasy men hatshysyn taǵaıyndaıdy. Enshiles memlekettik kásiporynnyń attestattaý komıssııasynyń quramyna attestattaý ótkiziletin ǵylymı uıymnyń basshylary, kadr jáne zań qyzmetteriniń qyzmetkerleri, negizgi kásiporynnyń jáne bilimniń belgili bir salasynda ǵylymı jáne (nemese) ǵylymı-tehnıkalyq qyzmetti júzege asyratyn basqa da uıymdardyń ókilderi kiredi. Negizgi kásiporynnyń basshysy attestattaý komıssııasy músheleriniń arasynan komıssııanyń tóraǵasy men hatshysyn taǵaıyndaıdy.»;
10-tarmaq mynadaı redaksııada jazylsyn:
«10. Attestattaý komıssııasynyń jeke quramy men ókilettik merzimi ǵylymı uıym basshysynyń buıryǵymen anyqtalady.»;
11-tarmaq mynadaı mazmundaǵy abzaspen tolyqtyrylsyn:
«Ǵylymı qyzmetkerlerdi attestattaý kezinde, olardyń jarııalanymdyq belsendiligin jáne ǵalymnyń sıtatalyq ındeksin (belgili bir ýaqyt aralyǵyndaǵy otandyq jáne sheteldik ǵalymdar men mamandardyń osy ǵalymnyń eńbekterine silteme jasaýlarynyń sany) esepteý qajet. Ǵalymnyń sıtatalyq ındeksin Qazaqstannyń ǵylymı-tehnologııalyq damýynyń basym problemalary jónindegi ǵalymdar men mamandardyń jarııalanymdary boıynsha qurylǵan aqparattyq resýrstar bazasynda Qazaqstan Respýblıkasy Bilim jáne ǵylym mınıstrligi Ǵylym komıteti Ulttyq ǵylymı-tehnıkalyq aqparat ortalyǵy anyqtaıdy jáne attestattaý komıssııasynyń suratýy boıynsha usynylady. Sıtatalyq ındeks júrgizilip otyrǵan zertteýlerdiń ereksheligin eskere otyryp qoldanylady (qyzmet babynda paıdalaný úshin, qupııa, óte qupııa, asa mańyzdy).»;
kórsetilgen buıryqpen bekitilgen Memlekettik ǵylymı uıymdardyń ǵylymı jáne ınjenerlik-tehnıkalyq qyzmetkerlerin attestattaý erejesiniń qosymshasy:
mynadaı mazmundaǵy 3-1 jáne 3-2-tarmaqtarmen tolyqtyrylsyn:
«3-1. Ǵylymı qyzmetkerdiń jarııalanymdarynyń sany, sonyń ishinde sońǵy bes jylda.
3-2. Ǵalymnyń sıtatalyq ındeksi».
3. Ǵylym departamenti (V.V.Mogılnyı) belgilengen tártippen osy buıryqty Qazaqstan Respýblıkasy Ádilet mınıstrligine memlekettik tirkeýge usynsyn.
4. Osy buıryqtyń oryndalýyn baqylaý Bilim jáne ǵylym vıse-mınıstri A.Q.Ábdimomynovqa júktelsin.
5. Osy buıryq resmı jarııalanǵan kúninen bastap qoldanysqa engiziledi.
Mınıstr B.ÁITIMOVA.
Buıryq Qazaqstan Respýblıkasynyń Ádilet mınıstrliginde 2006 jylǵy 31 tamyzda Normatıvtik quqyqtyq kesimderdi memlekettik tirkeýdiń tizilimine №4397 bolyp engizildi.