Qazaqstan – kelisimniń úlgisi

Keshe Parlament Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Qaırat Mámı Sezd Hatshylyǵynyń H otyrysyna qatysyp jatqan Astana jáne Qazaqstan Mıtropolıti, Arhıepıskop Aleksandrmen kezdesti, dep habarlady Senattyń baspasóz qyzmeti. Kezdesý barysynda Q.Mámı Prezıdent N.Nazarbaevtyń bas­tamasy boıynsha ótip kele jat­qan Din lıderleri sezine qoldaý bildirgeni úshin Orys pravoslavıe shirkeýine rızashylyǵyn jet­kizdi. Q.Mámıdiń aıtýynsha, 2010 jylǵy qańtarda Máskeý jáne Búkil Reseı Patrıarhy Kı­rılldiń Astanaǵa sapary bizdiń elimizdiń pravoslavıe hrıstıan­da­ry ǵana emes, barlyq qazaq­stan­dyqtar úshin erekshe oqı­ǵalardyń biri boldy. «Álemdik jáne dástúrli dinder lıderleri sezi men Orys pravoslavıe shirkeýiniń ynty­maq­tastyǵy Qazaqstan men Re­seı­diń odaqtastyq qatynas­ta­ryn odan ári nyǵaıtýdyń ma­ńyzdy quramdasy bolyp taby­lady», dep atap ótti Q.Mámı. Reseılik dinbasynyń aıtý­yn­­sha, álemdik jáne dástúrli din­der lıderleriniń pikirlesýi úshin Qazaqstanda erekshe múm­kindik bar. «Bul forým Prezıdent Nursultan Nazarbaevtyń izgi bastamasymen dúnıege keldi», dep atap ótti Arhıepıskop Aleksandr jáne ol «Qazaqstan búkil álemge ózara konfes­sııa­aralyq is-qımyldy ilgeriletý qaıyrymdylyqtyń, beıbitshilik pen kelisimniń úlgisin kórsetke­nin» aıtty.