Turǵyndarǵa tıimdi baǵdarlama

Kópqabatty turǵyn úı­lerdi jańartýǵa (modernızasııalaý) qatysty memlekettik baǵ­darlama Semeıde óz ná­tıjesin bere bastady. Baıyp­tap qara­ǵanǵa bul bas­tama birinshi kezekte kópqa­batty turǵyn úı ıelerine tıimdi. Tóteleı aıt­qanda óz­deri turyp, ıgiligin kó­rip jatqan úılerin nesıe ar­qy­ly zamanǵa saı kúrdeli jón­deýden ótkizip alýyna ábden bolady. Sol úshinde barlyq má­se­leler Úkimet tarapy­nan tıi­sinshe saraptalyp, tur­ǵyn­dardyń tólem jaǵ­daı­laryna qaraı ońtaılan­dy­rylǵan. Semeıde osy baǵdarla­ma­nyń áýelgi jobasyna jos­par­lanǵan 20 kópqabat­ty úıdiń al­­ǵashqysyna jón­deý jumys­ta­ry júrgizilip te ketti. Áýezov dańǵyly 27-shi úı tur­ǵyn­dary men qurylysshy merdigerler ara­synda kelisim-shart jasa­lyp, jalpy jumys­tyń sme­talyq-jobasy da anyq­tal­ǵan. Máselen, dál osy ǵı­marattaǵy tıesili turǵyn ala­ńy eń úlken páter ıesi nesıeni aıyna 3800 teńge­den tólep tur­maq. Osyn­daı jolmen tu­ǵyn­dar óz úles­terindegi jalpy nesıeni 7 jyl­da qaıtaryp bitpek. So­nymen birge bul baǵdar­lama aıasynda jóndeý jumysy júr­giziletin úılerde áleý­met­tik turǵydan tólem qa­bileti jet­kiliksiz otba­sylar bolsa, olrǵa da Úkimet tara­pynan je­ńil­dikter qaras­ty­rylatyn kórinedi. Bul baǵdarlamanyń tur­ǵyndarǵa tıimdi dep esepteletindigi – olar qaltala­rynan esh qosymsha qarjy shyǵarmastan turyp jatqan úılerin jańar­typ almaq. Jańa sıpatta jón­deýden ót­ken úıler kóztartar ádemi bolýymen birge, sol ǵı­ma­­rat­taǵy páterler quny da qym­battaı túsetini anyq. Bul jaǵynan da turǵyndar utpasa utylmaıdy. Biraq, osyndaı qolaıly baǵdarla­manyń bereri mol ekenin bir­den túsinip kete almaı jat­qan turǵyndar da az emes. Sol sebepti de jergilikti ákimdik qyzmetkerleri turǵyn úılerdi jóndep alý­dyń ońtaı­ly kezeńin durys paıdalana bilý qajettigi jaıly nasıhat jumystaryn jalǵastyrýda. Qaırat ZEKENULY,  Semeı.