Ortalyq Azııadaǵy toleranttylyq máseleleri – Azamattyq forým taqyryby

Almaty qalasyndaǵy «Dostyq úı­inde» Mádenıet mınıstrligi men Syrt­qy ister mınıstrliginiń jáne Qazaq­stan halqy Assambleıasy Hatshy­ly­ǵy­nyń uı­ymdastyrýymen Qazaqstan Re­s­pýblı­ka­synyń 20 jyldyǵyna ar­nal­ǵan Orta­lyq Azııadaǵy tolerant­ty­lyq máse­leleri jónindegi Azamattyq forým bolyp ótti. Forýmǵa Iran, Reseı, Qyr­ǵyzstan, О́zbekstan jáne Tájik­stan elderinen kelgen sarapshy­lar, Qazaqstan parlamentiniń de­pýtattary, Qazaqstan halqy Assam­bleıasynyń jaýapty qyz­metkerleri, memlekettik qyzmet­kerler men ǵylym jáne shyǵar­mashylyq top ókilderi, sarapta­malyq qaýymdastyqtar men et­nomádenı birlestikter ortasy­nan kelgen qonaqtar qatysty. Halyqaralyq dárejede ótkizil­gen bul shara óz jumysyn áýeli BAQ ókilderimen arnaıy brıfıng ótkizýden bastap, sol jerde L.N.Gýmılev atyndaǵy Eýrazııa ulttyq ýnıversıteti baza­synda qurylǵan «Tolerantty­lyq jáne rýhanılyq» atty IýNESKO kafedrasynyń tusaý­keser rásimin atqardy. Azamattyq forýmdy Máde­nıet vıse-mınıstri Ǵ.Telebaev quttyqtaý sózben saltanatty túr­de ashyp, odan ári resmı oty­rysty júrgizip otyrdy. Qazaq­stan halqy Assambleıasy Tóraǵa­synyń orynbasary, Assambleıa Hatshylyǵynyń meńgerýshisi E.Toǵ­janov «Toleranttylyq – qoǵamdyq kelisimniń qazaq­stan­dyq modeliniń negizgi qaǵıdasy» taqyrybynda baıandama jasap, álemdik ǵylymǵa, mádenıetke teń­dessiz úles qosqan Shyǵys jaý­harlary hám qazaqtyń dańq­ty uldary túlep ushqan qazaq dalasyndaǵy búgingi kóptegen ult ókilderi men túrli dinı konfessııalar beıbit ómir súrip otyrǵan Qazaq eliniń úlgili rýhanı qatynasy haqynda maǵy­na­ly pikirin ortaǵa saldy. Sondaı-aq, Syrtqy ister mı­nıstrliginiń keńesshisi D.Já­ke­nov «Qazirgi kezeńdegi tole­rant­tylyqtyń qazaqstandyq tájirı­besi» taqyrybynda jáne Reseı halqy Assambleıasy Atqarý ke­ńe­si tóraǵasynyń orynbasary, «Edı­naıa Rossııa» bıleýshi par­tııa­sy Ortalyq keńesiniń ult­ara­lyq qatynastar jónindegi ko­mıssııasynyń teń tóraǵasy N.Býhonın «Ulttyq mádenıet­ter­diń úndesýi beıbitshilik pen kelisimge» degen taqyrypta baıandama jasady. Qyrǵyz Respýb­lı­ka­sy Jogorký Keneshi atynan kelgen depýtat R.Sabırov táýelsiz­dik­ke qol jetkizgen 20 jyl ara­ly­ǵyndaǵy Qazaqstannyń jetistikterine toqtalyp, alys-jaqyn eldermen beıbitshilik taqyry­byn­da únqatysýdyń ozyq tásil­derin utymdy paıdalana bilgen Elba­synyń saıası ustanymyna baýyr­lastyq turǵydan oń baǵa berdi. Budan ózge Iran-Qazaqstan aqparattyq ortalyǵynyń tór­aǵa­sy, «Qazaqstan» atty qosym­sha basylymnyń jaýapty redak­tory H.Mohammedreza Hýseın, «Paıvant» dúnıe júzi tájikteri keńesiniń tóraǵasy I.Salohıddınov, Tatarstan halqy Assam­bleıasynyń Keńesi tóraǵasynyń orynbasary S.Jaqsybaev, Berýnı atyndaǵy Tashkent tehnı­kalyq ýnıversıtetiniń áleýmet­taný jáne saıasattaný kafedra­synyń professory A.Kahharov, túrkimen etnomádenı birlesti­gi­niń tóraǵasy G.Annakýlıeva, Qa­zaq­stan Prezıdenti janyndaǵy Strategııalyq zertteýler ınstı­týtynyń dırektory B.Sultanov, Parlament Májilisiniń depý­ta­ty L.Hochıeva búgingi azamattyq qoǵamdaǵy toleranttylyq taqy­rybynda baıandamalar jasap, álemde ultaralyq qaqtyǵystar men dinı túsinispeýshilikter be­leń alǵan tusta beıbit qatar ómir súrýdiń ozyq úlgisin kór­se­tip kele jatqan qazaqstandyq toleranttylyqtyń jarqyn úl­gi­sin sóz etisti. Forým aıasynda ǵalymdar men Qazaqstan halqy Assam­bleıa­synyń Ǵylymı sarapta­ma­lyq keńesi músheleriniń uıytqy bolýymen «Toleranttylyqty qa­lyptastyrýdaǵy azamattyq qo­ǵam ınstıtýttary», «BAQ ar­qyly toleranttylyqty nasıhattaý», «Toleranttylyq jáne má­denı áralýandylyq», «Tole­rant­­tylyq – ǵylymı paıymdaý jáne tájirıbe» taqyrypta­ryn­da birneshe baǵyttyq pikir almasý otyrystary ótkizildi. Toleranttylyq taqyrybyn­daǵy keleli otyrys pen pikir almasýlardan keıin qatysýshylar etnosaralyq qarym-qatynastar arasyndaǵy kelisimniń Ortalyq Azııa memleketteriniń birlese júrgizgen ǵylymı zertteýleri aıqyndaǵan nátıjesin alǵa tarta otyryp, Azamattyq forým­nyń Qorytyndy qararyn qa­byl­dady. Forým qonaqtary «Sam­uryq» Ulttar teatry jáne belgili óner qaıratkerleri men etnomádenı birlestikter ókil­de­ri uıymdastyrǵan konserttik baǵdarlamany tamashalady. Qanat ESKENDIR, Almaty.