Qos mereke aıasyndaǵy neke qııý rásimi

О́tken senbide Táýelsiz Qa­zaq­stannyń 20 jyldyǵy men Astana kúni merekesine oraı, qalalyq Ádilet departamentiniń uıymdas­ty­rýymen, qalalyq AHAJ bóli­mi elordalyq 38 juptyń salta­natty neke qııý rásimin ótkizdi. Jas jubaılar ádette baqyt áke­ledi degen yrymmen toı­laryn eleýli datalarǵa sáıkes­ten­dirip ót­kizýge tyrysatyny barshaǵa má­lim. Sondaı kún­der­diń biri – Astana kúni. Qos merekege arnalǵan saltanatty neke qııý rásimi – uzaq ári baqytty birlesken ómir súrý­diń bastaýy. Bul dástúrli is-shara­nyń qaty­sý­shylary – úılený toı­lary As­tanamyzdyń týǵan kúni­ne tuspa-tus kelip otyrǵan jas ju­baılar. Statıstıkalyq derekterge sú­ıensek, Astana kúni qarsa­ńynda nekelesýdi nıet etken jup­tar­dyń sany Astanada ǵana emes, búkil Qazaqstan boıynsha jy­l­dan-jyl­ǵa artyp keledi eken. Bıylǵy saltanatty shara «Qa­raqat» mektep-stýdııasynda bi­lim alyp jatqan shákirtterdiń jetigenshiler tobynyń ónerimen ashyldy. Astana qalalyq AHAJ bóliminiń bas­tyǵy Gúlnár Saǵyn­dyqova: «Qur­­met­ti jas jubaılar, Neke jáne otbasy zańyna sáıkes, 2 shilde kúni sizderdiń neke­lerińiz zańdy túrde qıyldy. Búginnen bas­tap, sizderdi erli-zaıyp­tylar dep jarııa­laımyz. Neke týraly kýálik­terdi búldirshin balalar­dyń qolymen tapsyryp otyrmyz. Sebebi, balalar – ómirdiń jal­ǵa­sy, bolasha­ǵy. Astana merekesi qar­sańynda bas­qan qadam­daryńyz osy sábılerdiń júregindeı pák, taza ári shynaıy bolsyn», – dep jas jubaılardy neke qııý sáti­men quttyqtady. Saltanatty jıynǵa, barlyǵy 38 jup pen olardyń týǵan-týys­tary, joldastary, sondaı-aq ar­na­ıy qo­naqtar da shaqyrylǵan eken. Shaqy­rylǵan qonaqtardyń biri S.Seıfýllın atyndaǵy qazaq agro­tehnıkalyq ýnıversıtetiniń rek­tory, Astana qa­la­lyq máslı­ha­ty­nyń depýtaty Aıt­b­aı Bu­lashev sóz kezeginde: «Qur­­metti jas ju­baı­lar, búgin sizder men ata-ana­lary­ńyz úshin, tý­ǵan-týys­­qanda­ry­ńyz úshin úlken mereke ekeni sózsiz. Neke­lerińiz qıy­­lyp, kóp­tegen jas otaýdyń sha­ńy­raǵy kó­terilip otyr. Bul oqıǵa­nyń egemen elimizdiń bas qalasynyń tórinde oryn alýy bar­shamyzdy qýan­tady.  Toı­lary­ńyz qutty bo­lyp, qa­dam­daryńyzǵa gúl bitsin demekpin!», – dedi. Al «Qa­zaqstan arýy – 2008» baı­qaýy­nyń júlde­geri, «Habar» te­lear­na­­sy­nyń tele­júrgizýshisi Dınara Sát­janova jas jubaılardy qut­tyqtaı kele, sal­tanatty sharaǵa tirkelgen eń jas jup Jáńgir Juma­bekov pen Jul­dyz Maqashevaǵa,  so­nymen birge jas jaǵynan eń úlken jup Andreı Rýsskıı men Tatıana Serdenchýkke «Sezon» jýrnalyna jyl­dyq ja­zylý sertıfıkatyn tartý etti. Neke qııý rásimine erli-za­ıypty telejúrgizýshiler Nur­dilda Oraz ben Gúlnaz Álimgereı de jańadan otaý quryp jatqan jas jubaılarǵa ózderi­niń jú­rek­jardy aq tilekterin arnady. Saltanatty sharany bultsyz kó­gildir aspannan tógilgen kún araı­lan­d­yra tússe, «Qaraqat» mek­tep-stýdııa­sy­nyń shákirti Aıaý­lym Sádýaqasova «Saǵan halqym» ánimen mereılendirdi. As­tana­da­ǵy «Atameken» etno-me­mo­rıaldy kesheninen bastaý alǵan sal­ta­nat­ty neke qııý rá­si­mi, «Dýman» oıyn-saýyq orta­ly­ǵy men «Otan qor­ǵaýshylar» monýmenti aldyn­da­ǵy alań­da jalǵasyn tapty. Jas jubaı­lar­ǵa merekelik aıryqsha bel­gisi bar ne­ke qııý týraly kýá­likter salta­nat­ty túrde tabys­tal­­ǵan­nan keıin, shashý shashylyp, kókke aq sharlar ushy­ryldy. Juldyz BAIDILDA.