2005 jyldan bastap eki jyl saıyn ótkizilip kele jatqan dástúrli «Álııa gúli» dostaryn shaqyrady» festıvaline Reseıden, Tatarstannan, Qyrǵyzstannan jáne Taraz qalasynan kelgen 300-ge jýyq ónerpaz balalar qatysty. «Álııa gúli» halyqtyq qazaq bı ansambliniń kórkemdik jetekshisi Sholpan Aınabekovanyń aıtýynsha, balǵyn ónerpazdar arasyndaǵy mundaı festıval elimizdiń batys óńirinde tek Aqtóbede ǵana ótedi eken.
Festıvaldiń basty ereksheligi, balalar shyǵarmashylyǵyna arnalǵandyǵynda. Iаǵnı, munda án de aıtylady, bı de bılenedi. Osyndaı úlken mádenı sharany uıymdastyrýǵa qalalyq ákimdik uıytqy boldy. Oǵan qatysýshy jas ónerpazdar Qobda aýdanynyń Bulaq aýylynda óner kórsetti. El Táýelsizdiginiń 20 jyldyǵyna arnalǵan festıval jeńimpazdary baǵaly syılyqtarmen marapattaldy.
Satybaldy SÁÝIRBAI.
Aqtóbe oblysy.