Eldi qalaı basqarýdyń, qandaı jolmen júrýdiń úlgisi

Memleket basshysy Nur­sul­tan Nazarbaev Qyrǵyz Res­pýb­lı­kasynyń Premer-mınıstri Almazbek Atambaevty qabyl­da­dy, dep habarlady Qazaqstan Respýblıkasy Prezıdentiniń bas­pasóz qyzmeti. Kezdesý barysynda birqatar ekijaqty yntymaqtastyq máse­leleri talqylandy. – Nursultan Nazarbaevpen kezdesý óte jaqsy ótti. Men aqı­qatynda baýyrlastyq jáne ár­daıym barynsha kómek kórsetýge daıyn nıettegi qabyldaýdy kór­dim. Biz árqashan Qazaqstannyń, Qazaqstan Prezıdentiniń – qur­metti Nursultan Ábishuly Nazar­baevtyń baýyrlastyǵyna arqa súıep kelemiz. Bizdiń aramyzda jaqsy qarym-qatynastar qalyp­tasqan. Qazaqstan Prezıdentinen úırenerimiz kóp. Men Prezıdent tańdaýda Qazaqstannyń óte joly bolǵanyn jıi aıtatynymdy ja­syr­ǵym kelmeıdi. Buǵan Astana qalasy dálel bolyp tabylady. Budan tórt jyl buryn men os­ynda Premer-mınıstr retinde keldim jáne Qazaqstannyń Úkimet basshysy Kárim Másimovpen birge Astananyń damý maketin qara­dyq. Ol kezde kóptegen ǵımarat­tar bolmaǵan edi. Ol ýaqytta osynyń bári maǵan qııal sııaqty kóringen. Búgin Kárim Qajym­qan­ulymen bir­ge qalany araladyq, osy ǵı­marattardyń boı kóter­genine kýá boldym. Men osynyń bári arman, tipti qııal bolyp kóringenimen, endi shyndyqqa aı­nalyp, Qazaqstan ómirinde iske asqanyna kóz jetkizdim. Árıne, men Qazaqstan halqy basshysyn tańdaǵanda óte joly bolǵan dep sanaımyn. Qyrǵyz­stan men Qa­zaq­stan arasyndaǵy qarym-qaty­nastar jańa satyǵa kó­terildi. Bul – naǵyz shynaıy jáne dos­tyq qarym-qatynastar. Osy aı­dyń ishinde bizge, Bishkekke Qa­zaqstan Premer-Mınıstri bas­taǵan delegasııa keledi, Qazaq­stan men Qyrǵyzstan arasyn­da­ǵy óz­ara ıntegrasııany alǵa aparý, ózara yntymaqtastyqty odan ári damytý týraly birqatar óte ma­ńyzdy qujattarǵa qol qoıy­latyn bolady. Sizderdiń elde­ri­ńiz Or­ta­lyq Azııadaǵy turaqty­lyqtyń ózegi bolyp tabylady. Bul eldi qalaı basqarýdyń, eldiń qandaı jolmen júrý kerektiginiń úlgisi, – dedi A.Atambaev jýrnalısterge arnalǵan brıfıngte. ----------------------------------------- Sýretterdi túsirgender S.BONDARENKO, B.OTARBAEV.