Júrdek tramvaı júıtkıtin bolady

Memleket basshysy Nursultan Nazarbaev «Astana qalasynyń jańa kólik júıesi» jobasy iske asyryla bastaýyna oraı kapsýlany qalaý rásimine qatysty, dep habarlady Qazaqstan Respýblıkasy Prezıdentiniń baspasóz qyzmeti. Jalpy uzyndyǵy 41,81 sha­qyrymdyq jobany 3 kezeńde jú­zege asyrý josparlanǵan: «Áýe­jaı – Ábý-Dabı Plaza» baǵyty boı­ynsha 1-shi kezeńi, «Ábý-Dabı Plaza – Temir jol vokzaly» ba­ǵy­tyn­da 2-shi kezeńi, «Temir jol vokzaly – Ábý-Dabı Plaza» ba­ǵy­tynda 3-shi kezeńi iske asy­ryl­maq. Astana qalasynyń ákimdigi ta­ra­pynan arnaıy «Astana LRT» JShS kom­panııasy quryldy. Bul kompanııa jeńil relsti tramvaı qury­lysy men jobalaýǵa tapsy­rys berýshi retinde qurylyp otyr. Jobanyń birinshi kezeńi aıa­syn­da «Alstom» kompanııasy (Fransııa) jedel jyldam­dyq­ta­ǵy tramvaı ón­di­risin qoldanýdy jospar­laǵan. Áýe­jaı men Ábý-Dabı Plaza kesheni aralyǵynda bar­lyǵy 12 poıyz jú­retin bola­dy. Bir poıyz 250 adam­dy alyp júrýge arnalǵan. As­ta­nanyń aýa raıyn eskere oty­ryp, stansany jabyq túrde, jeldetkish pen aýa jylytqyshtar or­natý ar­qyly salý josparlanǵan. Jolaý­shy­lar­dyń qaýipsizdigi men qolaı­lyly­ǵy úshin stansalarda jer­asty jo­laýshylar júretin jol­dar, lıftiler men eskalatorlar ornatý qa­ras­tyrylǵan. Birinshi ke­zeńniń qu­ry­lysyn qarjylandyrý úshin jer­gilikti bıýdjetten 5 mlrd. teń­ge bó­lingen. Aǵymdaǵy jyl­dyń qyr­kúıe­gine deıin respýb­lıkalyq bıýd­jetten qosymsha 13,3 mlrd. teńge bólý jospar­la­ǵan. Ekinshi kezeńniń qurylysyn 2012 jyly respýb­lı­ka­lyq bıýdjet esebinen jáne Azııa Damý bankinen zaım tarta otyryp bastap, 2014 jyly aıaqtaý josparlanýda.