Myńjyldyqtar toǵysynda

Astana kúni merekesiniń mádenı is-sharalar baǵdarlamasy aıasynda jyl saıyn uıymdastyrylyp, búginde dástúrge aınalǵan «Myńjyldyqtar toǵysyndaǵy – Astana» atty kósh­pen­­diler órkenıeti festıvali ótýde. Osymen tórtinshi ret ótkizilip otyr­ǵan etnoaýyl bıyl «Han Shatyr» saýda, oıyn-saýyq kesheniniń mańynda ornala­syp, onda 50-ge jýyq kıiz úı tigildi. Olardyń ishine kóshpendilerdiń turmys­tyq zattary, zergerlik buıymdar, qoldan­baly óner týyn­dylary, saıatshylyq jáne ańshylyq óner­diń buıymdary qoıylǵan. Kóshpendi ha­lyqtyń sonaý saq zamanynan kele jatqan kıim úlgileri festıval qonaq­tarynyń erekshe qyzyǵýshylyq­taryn týǵyzdy. Al arnaıy jasaqtalǵan aýyldyń daıyndyq sapasy ulttyq salt-dástúr men yrym-joralardyń kórsetilim­deri men epos keshteri arqyly erekshe aıqyndalyp turdy. Tórt kún boıy «Han Shatyry» pishindes sahnada etnıkalyq mýzyka men kúı keshteri bir tolastaǵan joq. Bir qyzyǵy, aýylǵa kelgen qonaqtar kósh­pendiler ómi­rine ózderi aralasyp, oǵan tikeleı qaty­sýǵa múmkindik aldy. Máselen, atqa minip, úı tigý, kıiz basý, qumyra jasaý úderisterine aralasý­laryna tolyq jaǵdaı jasalǵan. Eý­razııanyń júreginde ornalas­qan As­tanany tamashalaýǵa kelgen týrıster men ózge de qonaqtardyń qurmetine arnaıy jolserikter daıyndalǵandyǵy taǵy bar. Aýylǵa kirip kelgen qonaqty qazaqqa tán qonaqjaılyǵymen, erekshe syı-qurmetpen qazaq, orys, aǵylshyn tilderinde halqymyzdyń tarıhy men máde­nıeti jaıly áńgimelep beretin qyzdar men jigitter qarsy alyp turdy. Aýyl ishi, odan ózge qazaqtyń qyz uzatý, betashar, tusaý kesý, shashý, besikke salý salt-dástúrlerin, qazaqtyń ejelgi ulttyq kıimderimen tanystyratyn teatr­lan­dyrylǵan qoıylymdardy, aıtys pen kóshpeli sırk ónerin tamashalaýǵa da ba­rynsha jaǵdaı ja­salǵan. Bul jóninde osy sharanyń ssenarııin jazǵan Gúl­mıra Salyq­baeva Astana kúnine oraı uıym­das­tyry­latyn merekelik sharalar Qa­zaqstan Táýel­siz­di­giniń 20 jyldy­ǵyn da qamtyǵan­dyǵyn atap kórset­ti. «Ereýil atqa er salmaı» dep ata­la­tyn festıvaldiń al­­ǵashqy kúni ótken ult-azattyq kúresi jolyndaǵy qo­ıy­lym­dar taqyryp aıa­syn tolyǵymen qam­­tyǵan. Kósh­pen­diler órkenıeti fes­tıvaliniń ashylý saltanatyn Gollıvýd kınojul­dyz­dary men kóptegen shet elderden kelgen qonaqtar tama­shalady. Sheteldik qonaqtardyń arasynda reseılik boks­shy Nıkolaı Valýev, Gollıvýd juldyz­darynan «Odısseı» fılminiń basty ró­lin somdaǵan Armand Assante, Stıven Sıgal, Maıkl Madsen, Mıshel Rodrıges, reseılik kınojuldyzdar Sergeı Svetlakov syndy qonaqtar bar. Ulttyq mádenıet pen dástúrdi nasıhattaýǵa arnalǵan shara baǵ­darlamasy óte mazmundy ári jan-jaqty qamtylǵan. Bul jerden festıval kó­rermenderi tól tarıhymyzǵa bir sát oı júgirtip, ulttyq mádenıetten sýsyndaı alady. Astananyń tórine tigilgen aq kıiz úıler qalashyǵy kóshpendiler ómirinen altynshy shildeniń ymyrt qarańǵysyna deıin syr shertpek. Juldyz BAIDILDA.