Aqsaqaldyń Astanaǵa tartýy

Eńseli elordanyń tý­ǵan kúni elim dep tebirengen ár azamattyń boıyn erekshe sezimge bólese, endi birin toıǵa ne tartý etemin degen suraqtar ma­za­laıdy. Olar osy jolda qarlyǵashtyń qanatymen sý sepkendeı baryn sa­lady. Solardyń biri Astana kúni merekesi men el Táýelsizdiginiń 20 jyl­dyq torqaly toıyna tartý retinde velosıpedpen Al­matydan Astanaǵa deıingi aralyqta jolǵa shyqqan Aıteken Báká­taıuly aq­saqal. Keshe elorda jurt­shylyǵy osy­dan bir jeti ýaqyt buryn arý Alma­tydan arqa tósine bet alǵan aq­saqaldy «Báı­te­rek» mo­ný­mentiniń al­dyn­da sal­tanatty jaǵ­daı­da qarsy alyp, syı-syıa­pattaryn kórsetti. Jetpistiń jelmaıa­sy­na mingen ol ja­sym keldi dep qarap otyratyndar qata­rynan emes. Kúnine 180-190 shaqyrymdy art­­qa tastaǵan qarııa bul jolǵa aıǵa jýyq daıyn­dalypty. – Almatydan Astanaǵa velosıpedpen júrýdegi úsh maqsatym bar. Birinshisi, árıne, Astana kúnine oraı bolsa, ekinshisi Táýelsizdigimizdiń 20 jyldyǵy, al sońǵysy Qazaqstandy tórtkúl dúnıege tanytýda eren eńbegimen erekshelengen El­basy Nursultan Nazarbaevtyń týǵan kúni qurmetine tartýym bolyp tabylady,- deıdi salamatty sport­ty janyna serik etken Aıteken aqsaqal. Son­daı-aq, ol jýrnalısterge jolaı kezdesken qı­yn da, qyzyqty sát­ter­den de áńgime órbitti. Máselen, Bal­hashqa jet­kende jel soǵyp, qıyr­shyq qum bora­ǵan­nan az­daǵan qo­laı­syz­dyqtar oryn alsa, jolda ta­maq­tanatyn as­ha­nalar­dyń az bolǵanyn ­da aı­tady. Alaıda, ol ulttyq sý­synymyz qy­myz ben qasıetti qara nannyń arqasynda bul qıyn­dyq­qa da tosqaý­yl qoıa bilgen. Qytaı Halyq Res­pýb­lı­kasynyń Kinsýar- Qulja qazaq oblysy, Tarbaǵataı aýdany, Dúr­bijin aýdany, Jylan­tyl aýylynda dúnıege kelgen A.Bákátaıuly 2007 jyly Almaty-Úrimji, al 2008 jyly Tar­ba­ǵataı-Pekın jerlerin (barlyǵy 4300 shaqy­rym) júrip ótken. Al­daǵy ýaqytta aqsaqal buıyrtsa, 2012 jyly Lon­donda baıraǵy kóte­riletin HHH jazǵy Olım­pıa­da qarsa­ńynda sol jaqqa velosıpedpen sapar shegýdi josparlap otyr. Aldyna os­yndaı úlken maqsat qoıǵan qarııaǵa sáttilik qashanda serik bolǵaı. Qyzǵaldaq ZULPYHARQYZY, stýdent.