Búgin: qala teatrlarynda, kórme zaldarynda jáne demalys alańdarynda

K.Baıseıitova atyndaǵy opera jáne balet teatrynda: «Nurǵısa» horeografııalyq spek­takliniń premerasy óte­di. Spektaklde qazaqtyń talant­ty kompozıtorynyń ómi­ri men óneri san qyrynan som­dalady. Bul qoıylym astana­lyqtar men qala qonaqtaryna Nurǵısa Tilendıev álemin te­reń tanýǵa múmkindik beredi. Bastalýy: saǵat 19.00-de. Beıbitshilik jáne kelisim saraıynda: álemdik estrada jul­dyzy Sara Braıtmannyń konserti ótedi. Sara Braıtmandy dúnıe jú­ziniń óner súıer qaýymy mý­zyka perishtesi dep ataıdy. О́ziniń shy­ǵarmashylyq jo­lynda ol tyńdar­mandaryn klas­sıkalyq já­ne sońǵy 50 jyldaǵy «pop» mýzyka káý­sar­larymen sý­syn­datyp keledi. Bas­talýy: saǵat 18.00-de. Esil jaǵalaýy: munda qala merekesine arnalǵan dástúrli ha­lyq­aralyq sýretshiler pleneri ótedi. Ondaǵan qylqalam sheberleri Astana turǵyndary men qala qonaq­tarynyń nazaryna óz óner­lerin usynady. Bastalýy: saǵat 10.00-de. Astana sırki: halyqaralyq sırk óneriniń «Azııa jańǵyryǵy» festıvali ótedi. Onda alys jáne jaqyn shetelderdiń sırk óner­leriniń maıtalmandary óner kór­setetin bolady. Bastalýy: 16.00-de. «Qazaq Eli» monýmenti al­dyndaǵy alań: Astana kúni merekesi sheńberinde ótkiziletin is-sharalardyń shyrqaý shegi bolyp sanalatyn «Astana – baqyt mekeni» gala-konserti ótedi. Oǵan otan­dyq jáne sheteldik óner juldyzdary qatysady. Bastalýy: saǵat 21.00-de. Sonymen birge, qalamyzdaǵy alańdar men demalys baqtarynda buqaralyq mádenı sharalar ót­kiziledi. «Jastar saraıy» ala­ńynda «Astana samaly» úrlemeli aspaptar orkestriniń halyq­ara­lyq festıvali, qalalyq alańda dámdi taǵamdardyń festıvali, «Kongress-hollda» ázil-syqaq keshi, Esil jaǵalaýynda «О́zen áýen­deri» mýzyka jáne balet keshi ótedi.