Mereıtoıly jyldyń mereıli mindetteri

Keshe Aqordada Memlekettik hatshy Qanat Saýdabaevtyń tóraǵalyǵymen Qazaqstan Res­pýblıkasy Táýelsizdiginiń 20 jyldyǵyn ótkizý jónindegi mem­­lekettik komıssııanyń oty­rysy bolyp ótti. Onyń jumysyna Úkimet mú­sheleri, oblystar jáne Astana men Almaty qalalarynyń ákim­de­ri qatysty. Otyrysta osy ýa­qytqa deıin Táýelsizdiktiń 20 jyldyǵyn atap ótýge baıla­nys­ty bir jarym myńnan artyq sha­ralardyń ótkizilgeni atap kór­setildi. Olardy ótkizýge jastar, ǵylym jáne shyǵarmashylyq ıntellıgensııa, ónerkásip pen aýyl­sharýashylyq, úkimettik emes uı­ymdar jáne qoǵamdyq qozǵa­lys­tar ókilderi belsene qatysty. Sóıtip, mereıtoıly jylǵa ar­nal­ǵan merekelik sharalar is jú­zinde búkilhalyqtyq sıpatqa ıe boldy. Otyrysqa qatysýshylar al­dyn­da sóılegen sózinde Mereı­toılyq sharalardy ótkizý jónin­degi memlekettik komıssııanyń tór­aǵasy Qanat Saýdabaev bıyl­ǵy jyldyń egemendi elimizdiń tarıhynda aıtýly kezeń bolyp otyrǵanyn atap ótti. Ol bizdiń elimizdiń tarıhyna respýblı­ka­nyń jáne aımaqtardyń qol jetkizgen tamasha tabystaryn, Qa­zaqstannyń jáne Kóshbasshymyz Nursultan Nazarbaevtyń álemdik aýqymdaǵy ósken bedelin kórse­týmen ǵana enbeı, memleke­ti­mizdiń áleýmettik-ekonomıkalyq jáne mádenı-gýmanıtarlyq salada odan ári damýyna qýatty serpin beretin jyl retinde atalýy kerek. Mereıtoıly jyldyń ár­bir kúni óreli istermen jáne Tuńǵysh Prezıdentimiz, Elbasy Nursultan Nazarbaevtyń qýatty ári órkendi Qazaqstandy jasaý jolynda belgilegen stra­tegııa­syna otandastarymyzdyń qosqan naqty úlesin kórsetýmen este qalatyn bolsyn, dedi Qanat Saýdabaev. Otyrysta mereıtoıly jyl­dyń alty aıyndaǵy Jalpy­ult­tyq sharalar josparynyń oryn­dalýy qorytyndylandy, sondaı-aq Astana men oblystardaǵy belgilengen sharalardyń qalǵan ýa­qytta da úlken uıymshyldyqpen jáne maz­mundy ótýi jónindegi má­seleler qarastyrylyp, talqylandy. Jaqsybaı SAMRAT.