Prezıdent poshtasynan

Memleket basshysy Nur­sul­tan Nazarbaev Qa­zaq­stan uı­ǵyr­lary respýblıkalyq má­­denı orta­lyǵy men Res­pýb­lıkalyq uıǵyr mýzyka­lyq komedııa teat­ry atyna úndeý-hattary men jyly shy­­raıly quttyq­taýlary úsh­in alǵy­syn bildirip jedel­hat joldady. «Qazaqstannyń uıǵyrlary eko­nomıka men má­­de­nıetti, ǵy­lym men bilimdi damytýǵa, biz­diń eli­­miz­diń etnostary arasyndaǵy dos­tyq pen ózara tú­si­nis­tik­ti nyǵaıtýǵa ózde­ri­niń laıyqty úlesterin qosýda. Turaqtylyq pen kelisim – jyl­dan-jylǵa júrgi­zi­letin, ur­paq­tan-urpaqqa jalǵasatyn, kún saıynǵy úl­ken jumys. Jáne men elimizdegi uıǵyr ıntel­lı­gen­sııasynyń ókilderi jas­tardy joǵary rýhanı baılyq pen mádenı qundy­lyq­tarǵa baýlyp, beıbitshilik pen ózara túsinistik dás­túrlerin saqtap jáne jalǵas­tyryp otyr­ǵanyn qanaǵattaný­shylyq sezimmen atap ótemin. Qazaqstannyń ár alýan máde­nıe­tiniń ajyratylmaı­tyn bóli­mi bolyp tabylatyn uıǵyr má­denıetin saqtaý jáne damytý úshin bizde bar­lyq jaǵdaı jasal­ǵan. Bul oraıda, tamasha sahna sańlaqtary kóp jyl­dar boıy eńbek etken Respýblı­ka­lyq uı­ǵyr mýzykalyq komedııa teat­ry úlken ról atqarady. Bul iske Qazaqstan uıǵyr­lary respýblı­kalyq mádenı orta­lyǵy tárizdi qoǵamdyq birlestik te aıtar­lyqtaı úlesin qosty. Sizderdiń jetistikterińiz – bar­sha Qazaq­stan halqynyń jetistigi. Biz birtutas dostyq ot­ba­syn­da birlese otyryp jańa, táýel­siz Qazaq­standy qurýdamyz. Teatr ujymyna, ǵylym men má­de­nıet qaırat­ker­lerine, barlyq me­niń otandastaryma ıgilik, gúl­de­ný jáne jańa tabystar tileımin! Siz­der­­diń ónerlerińiz, qyzmette­rińiz biz­diń kópultty Ota­nymyz – Qazaqstan Res­pýb­lıkasynyń ortaq ıgiligine, beıbit­shilik pen kelisimge odan ári qyzmet etsin!», – delingen jedelhatta.