Astanam, beý, jasaı ber, han-qalamyz,
Biz seniń ajaryńa tańǵalamyz.
Kún súıgen kelbetińe kózaıymbyz
Jarqyrap sen turǵanda, arman-ańyz!
Sen tursyń elimizge tulǵa bolyp,
Ertegi qalasyndaı qyrǵa qonyp.
Alady kózdiń jaýyn kelbetimen
Ǵajaıyp ǵımarattar nurǵa bógip.
Bas qalam, baǵyń janǵan, o, sulýym,
Alashtyń ardaǵy óziń osy búgin.
Kóńildiń qusyn kókke ushyrady
Aspandaı qalalarǵa qosylýyń!
Júzińde bilgendikten araı baryn,
Men saǵan qumar bolyp qaraıladym.
Sáýleli sulýlyǵyn pash etip tur
Kún súıgen ǵımarattar – saraılaryń.
Esildiń tolqynynan án tyńdaǵan,
Tań-nuryń araıymen jarqyldaǵan.
Oıymen Nuraǵanyń Orda bolǵan
Kórkińnen aınalaıyn, altyn-qalam!
Asyly tamam qazaq balasynyń,
Bóleıdi boıdy nurǵa jarasymyń.
Asqaqta kók baıraqty jelbiretip,
Estirtip bar ǵalamǵa Alash únin!
Zeınolla ÁKIMJANOV, aqyn, Qazaqstan Jazýshylar odaǵynyń múshesi.
Petropavl.