Eýropa baǵyty asa mańyzdy

Eýropa baǵytynyń Qazaqstan úshin qaǵıdatty mańyzy bar. О́ıtkeni, elimiz Eýropalyq Odaqpen aradaǵy qarym-qatynasyn sapalyq jańa deńgeıge shyǵarýǵa múddeli. Buǵan Qazaqstan men EO arasyndaǵy áriptestikti keńeıtý týraly jańa arqaýlyq kelisim negiz qalaıtyn bolady. Bul jóninde jaqynda Qazaqstanda tirkelgen Eýropalyq Odaqqa múshe elder elshilerimen kezdesýinde elimizdiń Syrtqy ister mınıstri Erjan Qazyhanov málimdedi. 27 maýsymda Brıýsselde Qa­zaqstan-Eýroodaq keńesiniń kezekti májilisi tabysty ótti. Bul kezdesýlerdiń negizgi qorytyn­dy­sy Qazaqstan-EO áriptestigin keńeıtý týraly kelissózderdiń ja­ńa arqaýlyq kelisimge sáıkes resmı júzege asyryla bastaýy boldy. Taıaý arada taraptar usta­nymdyq qujattarmen almasady dep kútilse, qazan aıynda Astanada kelissózderdiń alǵashqy kezeńi ótedi dep josparlanǵan. Kezdesý kezinde Qazaqstannyń EO elderimen joǵary serpindi yn­tymaqtastyǵy atap ótildi. Bu­ǵan qalypty jáne joǵary deń­geı­lerdegi turaqty sapar almasýlar aıǵaq bolyp tabylady. «Eý­ropaǵa jol» úshjyldyq memlekettik baǵdarlamany júzege asy­rý nátıjesinde Eýropalyq Odaq Qazaqstannyń jetekshi saýda jáne ınvestısııalyq áriptesi retinde berik oryn alyp otyr. EO-nyń úlesine Qazaqstannyń jal­py syrtqy taýar aınalymynyń 47 paıyzy tıse, elimizge tar­tyl­ǵan ınvestısııanyń úshten birin EO elderinen quıylǵan qarjy qu­raıdy. Máselen, 2010 jyly Qazaqstan men EO arasyndaǵy taýar aınalymy 38 mıllıard AQSh dollaryna jetse, bul kór­setkish 2009 jyly 28,8 mıllıard dollardy quraǵan bolatyn. Qa­zaqstan ekonomıkasyna salynǵan EO elderiniń tikeleı jalpy ınvestısııa kólemi 2003 jyldan beri qaraı 52 mıllıard dollar bolsa, 2010 jyldyń kórsetkishi – 10,8 mıllıard. Qazaqstan Strategııalyq árip­tes­tik týraly shartqa Fransııamen (2008 jyl), Italııamen (2009 jyl) jáne Ispanııamen (2009 jyl) qol qoıǵan. Germanııamen 2009 jyly Bolashaq úshin áriptestik aıasynda Is-qımyldyń úkimetara­lyq baǵdarlamasyna qol qoıyl­ǵan. Byltyr Germanııanyń Qazaq­standaǵy jyly tabysty aıaq­taldy. E.Qazyhanov atap ótkendeı, Eýropalyq Odaq Ortalyq Azııa úshin strategııasy aıasyndaǵy óńir­lik yntymaqtastyqtyń aıtarlyq­taı áleýeti bar. Mınıstrler nemese olardyń orynbasarlary deń­geıinde «EO – Ortalyq Azııa elderi» pishininde túrli taqyryptar bo­ıynsha jyl saıynǵy qaýip­siz­dik forýmdaryn ótkizý táji­rı­besin qaıta jańǵyrtý jón bolar edi. Kezdesý barysynda qazaq­standyq mınıstr suhbattastaryn Qazaqstannyń ShYU-ǵa tór­aǵa­ly­ǵynyń qorytyndylarynan jáne jaqynda aıaqtalǵan Islam Yn­ty­maqtastyq Uıymy Syrtqy ister mınıstrleri keńesiniń 38-shi ses­sııa­synan habardar etip, Astana­nyń IYU SIMK tóraǵalyǵy ke­zeńindegi basymdyqtaryna egjeı-tegjeıli toqtaldy. Osyǵan oraı Qazaqstan syrt­qy saıasat vedomstvosynyń bas­shy­sy atap  kórsetkendeı, «Qa­zaq­stan IYU aıasynda óziniń kúsh-jigerin halyqaralyq jáne óńir­lik qaýipsizdikti nyǵaıtý, áleýmet­tik problemalardy sheshýge yqpal etý, órkenıetaralyq únqatysýdy ilgeri jyljytý, Islam álemi men Batys arasyndaǵy ózara yqpal­dastyqty qamtamasyz etý, jappaı qyryp-joıatyn qarýdy taratpaý rejimin nyǵaıtý» máselelerine aýdaratyn bolady. Bizdiń Islam memleketterimen kóp qyrly yntymaqtastyǵymyz aldaǵy kezeńderde de eki jaqty qarym-qatynastardy teńgermeli turǵyda qamtamasyz etýge qyzmet etetinine senimdimin. Qazaqstan­nyń 2010 jylǵy EQYU-ǵa, 2011 jylǵy IYU SIMK-ge dáıekti tóraǵalyqtary eki uıym arasyn jaqyndatýdyń jaqsy múmkindigi retinde qarastyrylyp otyr. Bul óz kezeginde Batys jáne musyl­man órkenıetterin baılanystyrý­da úlken ról atqarmaq, dep atap ótti óz sózinde E.Qazyhanov. Kezdesý barysynda, sondaı-aq Aýǵanstandaǵy jaǵdaıdy jáne Qazaqstannyń EO-men ózara is-qımyly perspektıvalaryn qosa alǵanda, halyqaralyq kókeıkesti problemalar qarastyryldy. Kezdesýge Eýropalyq Odaq­tyń Qazaqstandaǵy О́kildiginiń basshysy N.Jýsten qatysty. «Egemen-aqparat».