2011 jylǵy 29 sáýir, Astana, Úkimet Úıi
Ulttyq teńiz tasymaldaýshysy týraly
«Saýda maqsatynda teńizde júzý týraly» Qazaqstan Respýblıkasynyń 2002 jylǵy 17 qańtardaǵy Zańyna sáıkes Qazaqstan Respýblıkasynyń Úkimeti qaýly etedi:
1. «Qazteńizkólikfloty» ulttyq teńiz keme qatynasy kompanııasy» aksıonerlik qoǵamy ulttyq teńiz tasymaldaýshysy bolyp anyqtalsyn.
2. Qosa berilip otyrǵan Qazaqstan Respýblıkasynyń ulttyq teńiz tasymaldaýshysy týraly qaǵıda bekitilsin.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 29 sáýirdegi №462 qaýlysymen bekitilgen
Qazaqstan Respýblıkasynyń Ulttyq teńiz tasymaldaýshysy týraly qaǵıda
1. Jalpy erejeler
1. Osy Ulttyq teńiz tasymaldaýshysy týraly qaǵıda (budan ári - Qaǵıda) «Saýda maqsatynda teńizde júzý týraly» Qazaqstan Respýblıkasynyń 2002 jylǵy 17 qańtardaǵy Zańyna sáıkes ázirlendi.
2. Ulttyq teńiz tasymaldaýshysy óz qyzmetinde Qazaqstan Respýblıkasynyń Konstıtýsııasyn, «Saýda maqsatynda teńizde júzý týraly» Qazaqstan Respýblıkasynyń 2002 jylǵy 17 qańtardaǵy Zańyn jáne Qazaqstan Respýblıkasynyń basqa da normatıvtik quqyqtyq aktilerin, Qazaqstan Respýblıkasy ratıfıkasııalaǵan halyqaralyq sharttardy, sondaı-aq osy Qaǵıdany basshylyqqa alady.
2. Ulttyq teńiz tasymaldaýshysynyń mindetteri men fýnksııalary
3. Ulttyq teńiz tasymaldaýshysynyń negizgi mindeti saýda flotyn damytý bolyp tabylady.
4. Ulttyq teńiz tasymaldaýshysy mynadaı fýnksııalardy júzege asyrady: 1) jolaýshylardy, bagajdy, poshta jóneltimderin jáne júkterdi, onyń ishinde izgilik júgin, arnaıy júkterdi tasymaldaý jónindegi qyzmetterdi kórsetedi;
2) teńiz floty úshin kadrlardy oqytýǵa memlekettik tapsyrysty qalyptastyrý jóninde usynystar engizedi;
3) saýda maqsatynda teńizde júzý salasynda halyqaralyq sharttardy iske asyrýǵa qatysady.
3. Qyzmetin uıymdastyrý
5. Ulttyń teńiz tasymaldaýshysy óz qyzmetin osy Qaǵıdaǵa sáıkes uıymdastyrady.
6. Qazaqstan Respýblıkasynyń zańnamalyq aktilerine sáıkes Ulttyq teńiz tasymaldaýshysyna memlekettik qoldaý kórsetiledi.
7. Ulttyq teńiz tasymaldaýshysyn qaıta uıymdastyrý jáne taratý Qazaqstan Respýblıkasynyń azamattyq zańnamasyna sáıkes júzege asyrylady.