Qujatta órilgen tarıh

Tarıhı qujattyń ult shejiresi úshin alar orny tym bólek. Qu­jattardyń salmaǵyn halyqqa jet­kizý úshin keshe Qazaqstan Res­pýblıkasynyń Ulttyq mura­ǵaty el Táýelsizdiginiń 20 jyl­dyǵyna arnalǵan «Táýelsiz Qa­zaqstan: beıbitshilik pen jasam­pazdyqtyń 20 jyly» atty qu­jat­tyq kórme uıymdastyrdy. Qujattyq kórmeniń ekspo­zı­sııa­sy 7 bólimnen turady. «Nur­sultan Ábishuly Nazarbaev – Qa­zaqstan Res­pýblıkasynyń Prezıdenti – El­basy» atty bólimde Qa­zaqstan Res­pýblıkasynyń 1995 jyldyń 26 jel­toqsanyndaǵy «Qa­zaqstan Res­pýb­lıkasynyń Prezıdenti týraly» Konstıtýsııalyq zańy, 1991 jyl­dyń 10 jeltoq­sa­nyndaǵy Qazaq­stan Respýblık­a­sy Joǵarǵy Keńe­siniń «Qazaq­stan Respýblıkasy Prezı­den­tiniń qyzmetine kirisýi tý­ra­ly» qaýlysy syndy el prezıdenti qyzmetine baılanysty kóp­tegen qujattar qoı­ylǵan. Al «Qazaqstan Respýb­lı­kasy Kons­tıtýsııasynyń qabyl­da­nýy», «Qa­zaqstan Respýb­lı­­ka­sy­nyń memlekettik rámizderi», «Qa­zaqstan já­ne halyqaralyq uı­ym­dar», «Qa­zaqstan – 2030 stra­te­gııasy – ekonomıkanyń qazaq­stan­dyq úl­gi­si», «Armany bıik Astana» atty bólimderde de túrli mazmuny te­reń, taǵylymy mol qujattardy kezdestire alasyz. Kórmege Qazaqstan Respýblı­kasynyń Ulttyq mura­ǵaty, Or­ta­lyq memlekettik muraǵat pen Or­ta­lyq memlekettik kınofo­to­qu­jat­tar jáne dybys jazbalar mura­ǵa­tynyń 250 muraǵattyq qu­jat­tary men materıaldary iriktelip alyn­ǵan. Sondaı-aq, alǵash ret «Astanagosarhıtektýra» JShS-niń fotoqu­jat­tary men Astana qalasynda boı kótergen ǵıma­rat­tar maketteri men «Kazahstanskaıa pravda» gazetiniń fo­totilshisi I. Býrgandınovtyń jeke mura­ǵa­tyn­daǵy sýretter qoıylǵan. Kórmeniń saltanatty ashylý rásiminde sóz sóılegen Baılanys jáne aqparat mınıstrligi Aqpa­rat jáne muraǵat komıteti tór­aǵa­synyń orynbasary Erbol Shaı­merden ótip jatqan qujat kór­me­siniń mańyzdylyǵyna toq­taldy. Kórmege kelýshiler qujat­tar­dan bólek el Táýelsizdigine arna­lyp túsirilgen qysqametrajdy derekti fılmdi de tamashalady. Araı ÚIRENIShBEKQYZY.