Ádebıet pen óner órkeni

M.Áýezov atyndaǵy Ádebıet jáne óner ınstıtýtynda «Táýelsizdik jyldaryndaǵy ádebıet pen ónerdiń damý úrdisi jáne bolashaǵy» atty halyq­ara­lyq ǵylymı-teorııalyq konferensııa bolyp ótti. Ol elimizdiń ulyq merekesine arnaldy. Otandyq, sheteldik jetekshi ǵalymdardyń qatysýymen ótken osynaý halyqaralyq jıyn otan­dyq ádebıet pen ónerdiń táýel­sizdik dáýirindegi damý úrdisterin, jetistikteri men bolashaǵyn aı­qyn­daý, qazirgi qoǵamdyq-má­denı úderisterdiń ádebıet pen óner salalaryna áser-yqpalyn kórsetý jáne eń bastysy – búgingi egemendi ómir shyndyǵynyń óner tý­yndylarynda kórkem beınelený erekshelikterin ashý maqsatyn kóz­dese, sol údeden shyqty dep bilýimiz kerek. Qazaqstan Táýelsizdiginiń 20 jyldyǵy aıasynda uıymdas­tyryl­ǵan konferensııa qazirgi ádebıettaný, ónertaný salalary­nyń keleli ǵylymı-teorııalyq máselelerin sheshýdiń tıimdi joldaryn tabýǵa da óz septigin tıgizgeni anyq. M.Áýezov atyndaǵy Ádebıet jáne óner ınstıtýtynyń dırek­tory, UǴA akademıgi Seıit Qas­qabasov jıyndy kirispe sózben ashqannan keıin ádebıettanýshy ǵalymdardyń baıandamalaryna jol berildi. Atap aıtqanda, Serik Qırabaevtyń «Táýelsizdik dáýiri ádebıetiniń búgingi jaǵdaıy men mindetteri», Sherıazdan Eleý­kenov­tiń «Táýelsizdik jáne tarıhı roman úrdisteri», Dandaı Ysqaq­ulynyń «Táýelsizdik kezeńindegi ádebı syn», Baqytjan Maıtanov­tyń «Qazirgi poezııadaǵy postmodernızm jáne bóri arhetıpi» jáne basqa baıandamalar yqylaspen tyńdaldy. Sondaı-aq Temirhan Tebegenov qazirgi qazaq poezııa­syndaǵy dinı-ıslam dúnıetany­mynyń jyrlaný erekshelikterin, Nurbolat Jýanyshbekov táýelsiz­dik jyldaryndaǵy ádebıet da­mýynyń basty úrdisteri men keleshegin, áńgime ózegine aınaldyrsa, ónertanýshy ǵalymdar Sara Kúzembaeva Abylaı hannyń qazaq mýzykalyq-jyraýlyq folklo­ryn­daǵy beınesin, Raıhan Erǵa­lıeva táýelsizdik kezeńindegi beıneleý óneriniń jaıyn sóz etti. Konferensııanyń «Táýelsizdik jyldaryndaǵy ádebıettiń damý úrdisteri», «Táýelsizdik jylda­ryndaǵy óner: búgini men bolasha­ǵy» atty seksııalar jumysy bary­synda egemendi dáýir áde­bıeti men óneriniń búgingi jaǵ­daıy men mindetteri, jekelegen janrlyq túrlerdiń damý úrdisteri, qazirgi ádebı-kórkemdik jáne óner úderisterindegi dástúr men jańashyldyq jáne ózge de jekelegen poetıkalyq máseleler qaýza­lyp, tyń ıdeıalardy arqaý etken salıqaly sózder aıtyldy. Qorǵanbek AMANJOL.