– О́ner ataýlyda shekara bolmaıtyny sekildi, ár eldiń ortalyǵy, ıaǵnı astanasynda bas qosqan óner adamdarynda da shekteme bolmaıdy. Kim ónerli, talantty bolsa, sol adam árdaıym jurttyń kózaıymyna aınalatyny sózsiz. Astanaǵa kelgenime 3 kúndeı bolyp qaldy. Baıqap qarasam, munda jan-jaqtan jınalǵan ónerpazdardan bólek, elordalyqtardyń ózderi ǵajaıyp bir óner mektebin támámdaǵan túlekter bolyp kórinedi. О́ıtkeni, eńbektegen jasynan eńkeıgen qartyna deıin bári óleńdetip, án aıtyp, bılep júredi eken. Án, bı, dýman degende bireýden bireý uıalyp jatqan, qysylyp jatqan jáıtterdi kórmedim. Barlyq adamdardyń kóńil-kúıleri tamasha ekenin, ómirdiń árbir sátine rızashylyqpen qaraıtynyn, barmyn dep asqaqtamaıtyn, joqpyn dep qysylmaıtyn, áıteýir qandaı jaǵdaı bolmasyn árkim óziniń kóńil-kúılerin jasap jatqanyn birden baıqadym. Osynyń bárin olardyń memleketke, elge, beıbitshilikke degen senimderinen ańǵarýǵa bolady.
– Astanaǵa meniń birinshi kelýim. Osyǵan deıingi festıvalderge basqa qalalardyń sırk ujymdary kelgen bolatyn. Alaıda birinshi saparym bolsa da, osyǵan deıin talaı ret kelip júrgendeı áser etti maǵan. Qala ystyq, baýyrmal bolyp kórindi. Qalalyqtardyń qonaqqa degen pák nıetterin osydan da baıqaýǵa bolady. Biz kóptegen elderdi aralap, ulttyq sırk ónerimizdi talaı elge kórsetip júrgen óner ıelerimiz. Alaıda, biz de qarapaıym adambyz. Jaqsy qabaq tanytqan, adal nıetti jandardy biz de ishteı sezemiz. Sol sııaqty Astanaǵa kelgenimizde qazaq halqynyń darhan júrekti, keńpeıildi ekendikterin isteri arqyly ańǵarý bir basqa da, adamdardy kórgendegi beriletin energııalardan ańǵarý bir basqa. Báriniń júzderinen tynyshtyqtyń, bereke-birliktiń, bolashaqqa degen senimniń kúshin baıqaýǵa bolady. Astanaǵa jasaǵan birinshi saparym ózime sondaı unady.
Han ShOBIN, Qytaı Halyq Respýblıkasy Ý Han qalasy ulttyq sırk ortalyǵynyń meńgerýshisi.