Almaty bıýdjeti 8 mıllıard teńgege ulǵaıdy

О́tken apta sońynda Almatyda qalalyq más­lıhaty IV sha­qy­rylymynyń HHHHV sessııasy ótip, qalanyń 2011-2013 jyl­darǵa arnalǵan  bıýdjeti jaıly másele qaraldy. Máslıhat barysynda Almaty qalasynyń ekonomıka jáne bıýd­jettik josparlaý basqarma­sy­nyń bastyǵy Sardar Qabdolov qala­nyń tabysy 8 mıllıard 132 958 myń teńgege kóbeıgenin má­lim­de­di. Bul qarajat qalanyń eń basym baǵyttaǵy sharalaryn jú­zege asy­rýǵa jumsalady. Olar­dyń qa­tarynda bilim ǵı­ma­rat­ta­ryn jón­deý, turǵyndardy áleý­mettik ja­ǵynan qamtamasyz etýdi damytý, turǵyn úı-kommýnaldyq sharýa­shylyqtary, tabıǵatty paı­dalaný sııaqty kóptegen ny­san­dar bar. Tolaıym alǵanda,   2011 jyl­ǵy qalanyń naqtylanǵan jalpy bıýdjeti 309 mıllıard 969 mıllıon 744 myń teńgege jetti. Naq­ty qoldanystaǵy bıýdjet 261 mıl­lıard 329 mıllıon 835 myń teń­geni quraıdy. Almaty qala­sy­nyń ákimi Ahmetjan Esimov qalanyń ótken jylǵy bıýdjeti 264 mıllıard bolǵandyǵyn eske saldy. – Ústimizdegi jyly jergilikti bıýdjet 31,7 mıllıard teńgege ósti. Aldyn ala málimetterge qaraǵanda, jarty jyldyń ishinde qala óndirisi ótken jylǵy osy kezeńmen salystyrǵanda 20 paı­yzǵa kóterildi. Isker orta jumys istep jatyr, sondyqtan da salyq túsimi de kóbeıýde. Menińshe, bul úderis saqtalady. Osyǵan sáıkes, kelesi jarty jyldyqta túsetin paıda aldyńǵy jarty jyldyqqa qaraǵanda joǵary bolady, – dedi qala ákimi. Sondaı-aq, jıyn ba­ry­synda máslıhat depýtattary «Baqaı» shaǵyn aýdanynyń atyn aýystyrý týraly usynysty ma­qul­dap, ol «Jas qanat» atandy. Aınash ESALI, Almaty.