Dańqty dıvızııa

Almaty qalasyndaǵy 28 gvardııalyq panfılovshylar atyndaǵy saıabaqta qoǵamdyq uıymdar men qala ardagerleri 316-shy atqyshtar dıvızııasy­nyń qurylǵanyna 70 jyl to­lýyna oraı «Panfılov dıvı­zııa­synyń kúni» atty memo­rıaldy-patrıottyq shara ótkizdi. Sharanyń saltanatty rási­mine Qorǵanys mınıstrli­giniń ókil­deri, Almaty qalasyn­daǵy Reseı Federasııasynyń Bas Kons­ýly V.Zavıalov, Qyr­ǵyz Respýblı­kasynyń Bas Konsýly S.Úbúkeev jáne pan­fılovshy jaýynger­lerdiń nemereleri qa­tysty. Shara ba­ry­synda kór­shi­les elderdiń resmı tulǵa­lary surapyl soǵys kúnderin­degi baýyrlas ulttar­dyń erlikterine toq­talyp, Dańq Me­mo­rıalyna, general I.V.Pan­­fılovtyń, ba­tyr B.Momysh­uly­nyń eskertkishterine jáne 28 pan­fılovshy jaýyngerlerdiń eskertkish taq­ta­laryna gúl shoq­taryn qoıyp, «Keńes Odaǵy Ba­tyry» ataǵyna ıe bolǵan 37 jaýyngerdiń qur­metine aspanǵa aq tústi 37 shar ushyrdy. Otandy qorǵap Máskeý túbinde erlik kórsetken erlerdi únsiz eske alyp, áskerı rásim bo­ıynsha aspanǵa birneshe dúrkin oq atty. Reseı Federasııasynyń Bas Konsýly V.Zavıalov osy jıynda keıingi kezde reseılik keıbir basylymdar jeńil jańalyq izdep atalmysh dıvızııa jaıly jalǵan derekter taratqandyǵyn, kerisinshe, zertteý barysynda panfılovshy jaýyngerlerdiń ja­saǵan erlikteri biz biletinnen de dańqty ekendigi málim bol­ǵanyn jetkizdi. Uıymdastyrý qorynyń dırektory M.Tıýnın Panfılov dıvızııasynyń tarıhı mysalyn negizge ala otyryp qazaqstandyq patrıotızm rýhyn tárbıeleý kerek degen pikir aıtty. Soǵys ardagerleri, áskerı qyzmetkerler jáne qoǵamdyq uıym ókilderi men general Pan­fılovtyń týystary qatysqan «Pan­fılovshy jaýyngerlerdi eske ala otyryp» atty dóńgelek ústel otyrysy da keshegi erlerge búgingi kórsetilip otyr­ǵan qur­met máselesin oryndy qozǵady. Qanat ESKENDIR, Almaty.