Keshe Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Qabıbolla JAQYPOV Lıtva Respýblıkasynan bıznes-mıssııamen kelgen delegasııamen kezdesý ótkizdi, dep habarlady Májilistiń baspasóz qyzmeti.
Kezdesýde Qazaqstandaǵy kásipkerliktiń órkendeýin qamtamasyz etetin zańdar jaıly, respýblıkada qolaıly ınvestısııalyq ahýalda Lıtva kapıtalymen 100 fırma jumys istep jatqany týraly aıtyldy. Klaıpedadaǵy porttardy paıdalaný, mádenı baılanystar men joǵary oqý oryndary arasyndaǵy qatynastar da sóz boldy.
«Lıtva arqyly Qazaqstan men Qytaı arasyna logıstıkalyq joba jasaý bizdi qyzyqtyrady», – dedi Lıtva delegasııasyn bastap kelgen «KLASKO» AQ keńesiniń múshesi Benedıktas PETRAÝSKAS. Sóz arasynda keleshekte Astana – Vılnıýs avıareısiniń ashylýy múmkindigi jóninde de sóz boldy. Taraptar, sondaı-aq Qazaqstan Prezıdenti N.Nazarbaevtyń ashyq saıasatyn baǵalaı otyryp, osy kúzde Lıtva Prezıdentiniń bizdiń memleketimizge jasaıtyn resmı saparyna úlken úmit artyp otyrǵandaryn da jetkizdi.