Memleket basshysy Nursultan Nazarbaev Reseı Federasııasynyń Prezıdenti Dmıtrıı Medvedevke «Býlgarııa» jolaýshylar teplohodynyń apatqa ushyraýyna baılanysty kóńil aıtty.
«Kóptegen adamdar qurban bolǵan Volgadaǵy «Býlgarııa» jolaýshylar teplohodynyń apatqa ushyraýy týraly qatty qaıǵyra otyryp estidim. Osy qaraly kúni Qazaqstan halqynyń atynan jáne jeke ózimniń atymnan qaıtys bolǵandardyń jaqyndary men týystaryna shynaıy kóńil aıtýymdy jáne zardap shekkenderdiń tez saýyǵyp ketýine tileýlestigimdi jetkizýińizdi suraımyn», – delingen jedelhatta.