Jańa lager ashyldy

Býrabaıdaǵy «Prıozernyı» de­­m­alys jáne saýyqtyrý orta­ly­ǵyn­da «Nur Otan» HDP «Jas Otan» jastar qanatynyń, Bilim jáne ǵylym mınıstrliginiń, par­tııa­nyń Aqmola oblystyq fılıa­lynyń uı­ymdastyrýymen «Jastar – Otan­ǵa!» atty jastar saıası lageri ash­yldy. Saltanatty rá­sim­ge «Nur Otan» HDP Ortalyq ap­pa­ratynyń, respýblıkalyq mem­le­kettik organ­dar­dyń, úkimettik emes uıymdar men BAQ ókilderi qatysty. Jastardyń boıynda patrıot­tyq, ıntellektilik, rýhanı jáne kreatıvti kapıtaldy qalyptas­ty­rýdy kózdeıtin lagerdiń maqsaty jóninde «Jas Otan» jastar qana­tynyń atqarýshy dırektory Nur­lan О́teshev, «Nur Otan» HDP Aqmola oblystyq fılıaly tór­aǵa­synyń birinshi orynbasary Ǵa­lym Shoıkın, Býrabaı aýdany ákiminiń orynbasary Marpýǵa Nurpanova keńinen áńgimeledi. «Jastar – Otanǵa!» saıası lageri – zamana úrdisindegi jańa saıası tehnologııalardy ıgerýge múm­kin­dik beretin qurylym.Úsh aýysym­da jumys isteıtin lager­diń aý­qymdy baǵdarlamasynda bel­gili qoǵam jáne saıası qaırat­ker­lerdiń qatysýymen semınarlar, pikirtalastar, sondaı-aq, má­de­nı jáne sporttyq sharalar ót­kizý jos­par­lanǵan. О́tken úsh jyl­da 2000-nan astam jastyń ba­syn qosyp, tá­jirıbe almasý or­da­syna aınal­ǵan Aqmola oblysy la­gerdiń bazalyq ortalyǵy bo­lyp jarııalandy. Bı­ylǵy maý­sym­ǵa respýb­lı­kamyz­dyń barlyq aımaqtarynan 450 jas tartylyp otyr. Baqbergen  AMALBEK, Aqmola oblysy.