«Alash araly» dep atalsa durys bolar edi

Egemen el atanyp, táýelsizdik týyn tiktegennen bergi jerde Alash arystarynyń izi qalǵan qasıetti Semeı shahary ózgeris-jańalyqtardan kende emes. On­yń eń bastysy sol, osydan tórt jyl buryn qala aty Elbasy Jarlyǵymen bir izge túsip, sodan beride tek Semeı dep qana atalatyn boldy. Bul táýel­siz­dik­ke qol jetkizgennen bergi jerdegi semeılikterdiń kókeıinde júr­gen asyl armany edi. Aıtpaǵymyz – Semeıdegi erke Ertis ózeni aıyryǵyndaǵy tabıǵaty erekshe aral haqynda. Alash arystarynyń izi qalǵan bul aral týraly «Egemende» budan  buryn da jazǵanbyz. Kúsh ıesi Qajymuqan, kúmis kómeı ánshi Maıra, dúldúl aqyn Isa, halqymyzdyń mań­da­ıyna bitken taǵy basqa shyn mánindegi ja­ryq juldyzdar dýmandatyp de­ma­la­tyn, týǵan halqynyń jaı-kúıin talqyǵa salatyn osy jer bú­gin­de qaıtadan «Polkovnık araly» dep atalady. Al onyń negizgi ataýy «Túıemoınaq» bo­la­tyn. Patshaly Reseıge baǵy­nyshty bolǵan sátten bastap «Polkovnık araly» dep atalyp ketken ǵoı. Odan bergi keńes zamanynda uzaq jyl Kırov atyndaǵy aral atanǵany jáne bar. Al biz bol­saq, endigi jerde onyń «Alash araly» atanýǵa ábden qaqysy bar degenbiz. О́kinishke qaraı, baıaǵy jartas, bir jartas qalpynda. Qala­nyń jańa basshylyǵy soǵan oraı óziniń naqty pikirin aıtady degen senimdemiz. Dáýlet SEISEN, Semeı.