1992 jyldyń 13 shildesinde Qazaqstan Respýblıkasynyń Prezıdenti Nursultan Nazarbaev otandyq arnaıy qyzmet – Ulttyq qaýipsizdik komıtetin qurý týraly Jarlyqqa qol qoıǵan bolatyn.
Kásibı merekege baılanysty saltanatty jıyn ótkizildi. Komıtet tóraǵasy Nurtaı Ábiqaev UQK organdarynyń qyzmetkerleri men ardagerlerin quttyqtap, olarǵa Otan aldyndaǵy adal qyzmeti men jeke batyldyǵy úshin alǵys bildirdi. Birqatar qyzmetker tóraǵanyń qolynan vedomstvolyq nagrada aldy.
Sondaı-aq osy saltanatty kúnde UQK 90-jyldardyń basynda ótkizgen «Sapfır» degen operasııanyń kınonusqasy – «Ýranovyı taıfýn» (rejısseri Igor Vovnıanko) telefılmin jasaýshylarmen shyǵarmashylyq kezdesý ótkizildi. Shyǵarmashylyq topty Sh.Aımanov atyndaǵy «Qazaqfılm» kınostýdııasynyń basshysy Ermek Amanshaev bastap keldi, dep habarlady UQK baspasóz qyzmeti.