Jaz qyzyǵy balalar úshin «Altyn shaja» shıpajaıynda jalǵasýda.

Jaz – sharýa mezgili ǵana emes, demalyp, densaýlyqty ny­ǵaıtatyn kez. Ásirese, osy merzim jas urpaqtyń ósip, jetilýine tıimdi bolǵandyqtan, olar­dyń kún kózi men taza aýada meı­linshe kóp bolýyna kóńil bólingeni qýantady. Bıyl óńir boıynsha mektep jasyndaǵy 220 myńnan astam oqýshy tegin jazǵy demalyspen qamtylǵan. Qazirgi kezde olardyń jarty­synan astamy demalyp úlger­gen. Kópshilik suranysyna ıe demalys oryndarynyń biri Tekeli qalasyndaǵy «Altyn shaja» shıpajaıynda belsendi de­ma­lyspen qatar, oqýshylar den­saýlyǵyna kútim jasap, emdelýlerine múmkindik mol. Jazǵy demalys kúnderi je­ti­­sýlyq balǵyndarǵa qyzyq­ty deýge bolady. Shıpajaıda dop oı­nap, týǵan jer tabı­ǵatyn ta­ma­­shalaǵan balalar densaý­ly­ǵyn shyńdasa, arnaıy topqa dá­ri­ger­lik emdik sharalar kór­set­ilýde. Máselen, munda 14 jasqa deıingi balalar tynyqsa, olar­dyń ara­synda ózge oblys­tar­dan kelgen búldirshinder de bar. – Lagerge alǵash ret kelip turmyn. О́zim Batys Qazaqstan oblysynan keldim. Bári jaqsy, mádenı sharalar jıi ótedi. Kóp dos taptym. Aýyrǵan jerimizdi dáriger apaılar emdeıdi. Kúnine bes mezgil tamaqtanamyz, deıdi Oraldan kelgen Eltaı Álibek. Ásem taý bókterindegi ty­ny­ǵý orny túrli medısınalyq qural-jabdyqtarmen qamtylyp­ty. Mun­da búırek, qulaq, tamaq aýrý­laryna qarsy em jasala­ty­nyn kórip, búldirshinderge degen shy­naıy qamqorlyqty sezine tústik. – «Altyn shaja» emdeý, saýyq­tyrý lagerinde 250 bala ózderiniń jazǵy kanıkýldaryn ótkizýde. Ba­lalardyń ár kúni qyzyqqa toly. Jáne emdeý sharalary qatar ótip, Qazaqstannyń túkpir-túkpirinen jınalǵan balalar bir otbasyn­daǵydaı tatý-tátti, – dedi «Altyn shaja» demalys lageriniń top jetekshisi Jadyra Qasymbaeva. Tekeli qalasy boıynsha budan ózge 3 demalys lageri jumys isteıdi. Olarda tynyǵyp jatqan oqýshylardyń shet tilin meńgerý­lerine de múmkindik jasalǵan. Máselen, «Bastaý» lagerinde oqý­shylarǵa eriktiler arnaıy sabaq ótkizedi. – Maǵan «Bastaý» lageri óte unaıdy. Jattyqtyrýshy muǵalim­der de jaqsy. Kúnde keshki astan keıin mereke bolady. Jazdy qysqa aınaldyryp, qaǵazdan qar jasadyq, – deıdi Taldy­qor­ǵan qalasyndaǵy №14 mektep-gımnazııasynyń oqýshysy Arýjan Serikmurat. Balalardyń demalysyn ob­lys­tyq bilim basqarmasynyń mamandary baqylap, tynyǵý baǵdarlamasy men tamaq sapa­syna mán beredi. Oqý jaıy da basty nazarda. – Bıylǵy jazǵy demalysta 220 myń balany demalyspen,  saýyqtyrýmen qamtamasyz etýdi josparlap otyrmyz. Búgingi kún­ge deıin 130 myń bala de­mal­dy. Sonymen qatar ártúrli baǵyttaǵy jumystaryn jalǵas­tyrǵan jazdyq lagerler de bar. Ol mektep janyndaǵy jáne debattyq toptar, til úırený lagerleri. Kóbinese munda aǵyl­shyn tilin jyl boıy oqyǵan balalar jınaǵan bilimderin qaıta­lap, tildi jaqsy úırenedi,– deıdi oblystyq bilim basqarma­sy­nyń bastyǵy Lázzat Bazar­qulova áńgime arasynda. Jazda jaqsy demalǵan bala jańa oqý jylyna zor yntamen keletini zańdylyq. Sondyqtan balalardyń jazǵy demaly­syna ata-analar da basa mán berse quba-qup. Bul mamandar pikiri. «Altyn shaja» men «Bastaý» lagerlerindegi jazǵy kanıkýl­daryn kóńildi ótkiz­genderdiń búgingi jaıy oǵan naqty dálel. Kúmisjan BAIJAN, Almaty oblysy.