Uıaty joq urylar

Bul alaıaq jandarǵa daýa joq eken ǵoı. Olardyń qaısybiri zeı­net­aqysymen jan baǵyp otyrǵan zeınetkerlerge aýyz sala bas­tap­ty. Olar osy maqsatpen qoı terisin jamylǵan qasqyrǵa uqsap, ıyqtaryna adam arashashysy atan­ǵan dárigerlerdiń aq halatyn ilip alady eken de, zeınet­ker­ler­diń esigin qaǵatyn kórinedi. Sonan soń analızdi úıden alyp ketýge keldik dep ózinshe qamqor­lyq tanytatynyn qaıtersiz. Osy sózge qudaıdaı sengen bir keıýana bular usynǵan qu­ty­ny qolǵa alyp ájethanaǵa kirip ketkende, alaıaqtar shkaf ishinde turǵan 260 myń teńgeni úptep úl­geredi. Kelesi joly taǵy da osy tásilmen ekinshi bir ájeıdi ta­qyr­ǵa otyrǵyzbaq bolǵanda jol­da­ry kesiledi. Iаǵnı, úı ıesi saqtyq tanytyp, saqshylarǵa habar berip úlgeredi. Qazirde olardy izdestirip ja­tyrmyz deıdi ishki ister qyz­met­kerleri. Ázirge belgili jáıt sol, munyń ekeýi de jastary 20-25-tegi «arýlar» kórinedi. Biri azııa­lyq, ekinshisi eýropalyq ult ók­il­deri bolyp tabylatyn olardyń boı mólsheri de izdestirýshilerge má­lim. Zeınetkerlerdi zar qaqsat­qan alaıaqtar kóp ýaqyt ótpeı ja­typ qolǵa túsetindigine senim zor. Uryda ult ta, uıat ta bol­maı­dy degen osy eken. Dáýlet SEISENULY , Semeı.