Murat О́NAL: Qazaqstan ulttyq quramasynda oınaǵym keledi

Murat О́nal – Eýropa alań­da­rynda oınap júrgen jalǵyz qazaq fýt­bol­shysy. Túrkııada týyp-ósip, Eýropaǵa kóshken qandasymyzdyń ba­lasy. 6 ja­synan beri fýtbolmen aına­ly­sady. Qazir Gollandııanyń birinshi lıga­syn­daǵy «Volendam» ko­man­dasynyń sha­býylshysy. Ja­sy 24-te. Gollan­dııa­nyń 14,16,17 jas sana­tyn­daǵy ult­tyq qurama­la­ryn­da oınaǵan. Búginge deıin Gollandııa jáne Belgııanyń «Amsterdam», «Brıýgge», «Den Haag», «Volendam» koman­da­larynda óner kór­setken. Armany – Qazaq eliniń ult­tyq quramasynda oınaý. – Fýtbolmen qashan jáne qaıda aınalysa bastadyń? – Amsterdamdaǵy «Vespýchchı» áýesqoı ko­man­dasynyń fýtbol mektebine 6 jasymda qa­byl­dan­dym. Alǵashqy qadamym osy mektepte bastaldy. – Kásipqoı fýtbolshy retindegi oıyn órnegiń qaı komandada bastaldy? – 17 jasymda jastar arasynda úzdik sha­bý­ylshy atandym. Sosyn sol jyly Bel­gııanyń eń myqty klýbtarynyń biri «Brıýggege» óttim.   – Gollandııa jastar quramasynda oı­naǵan ekensiń. Bul qurama sapynda qan­daı jetistikterge jettiń? – 16 jas sanatynda Ońtústik Amerı­ka­daǵy Arý­ba qalasynda ótken týrnırde fınalǵa deıin jettik. – Fýtbolshy retinde seniń eń basty qası­et­teriń qandaı jáne jalpy Gollandııada osy sporttyń qandaı qasıetteri mańyzdy bolyp sanalady? – Gollandııa fýtbol mektebi álemdegi eń myq­­ty mektepterdiń biri. Eýropanyń úlken koman­da­la­rynda kem degende 1-2 gollan­­dııa­lyqty kóre ala­syz. Bul elde kásipqoı fýt­bolshy úshin tehnıka, jyldamdyq, kúsh jáne eń bastysy aqyl ma­­ńyz­dy faktor bolyp sanalady. Bulardyń bireýi kem bolsa, oınaı almaısyz. «Seniń eń jaqsy qasıet­terińniń biri – ońaı gol soǵýyń», – deıdi bapkerim. – Eýropa alańdarynda dop teýip júr­­gen basqa qazaq fýtbolshylary bar ma? – Joq. Kóre almadym. – Eýropa qazaqtary Qazaqstan ko­man­­­­da­la­rynyń eýrotýrnırlerdegi oıyn­da­ryna bara ma? Jalpy, qazaq koman­da­­larynyń oıynda­ryn qadaǵalap júre me? – Iá, oıyndarǵa baryp turady. Qazaq bol­ǵan­dary úshin. О́ıtkeni, Qazaqstan bizdiń elimiz. Bar­lyq týrnırlerdi qadaǵalaımyz dep aıta almaı­myn. Bul jaqta tek CaspioNet qana kórsetedi. Al ol arna oıyndardy tolyq bermeıdi. Odan tek qysqasha mazmunynan ǵana habardar bolýmen shektelemiz. – Al óziń qazaq fýtboly týraly ne bile­siń? Qazaqstan ulttyq quramasynda oınaǵyń keler me edi? – Men tek qana «Aqtóbeni» bilemin. Qate­les­pesem, ótken jyly Eýropa lıga­synda Gollan­dııa­nyń kúshti klýbtarynyń biri «AZ Alkmaarmen» oınady. Qazaqstanǵa bir qazaq balasy retinde kez kelgen kómegim tıip jatsa, bul men úshin oryn­dalǵan arman bolar edi. Ásirese, ondaı kómegim fýtbol arqyly bolsa, men úshin ol úlken baqyt! – Arno Paıpers kezeńinde Qazaqstan ult­tyq quramasynyń Gollandııadaǵy oqý-jat­ty­ǵý jıynyna shaqyrylypsyń. Biraq komanda sapynan kóre almadyq. Qandaı sebep boldy? – Iá, Gollandııadaǵy jıynǵa shaqy­ryldym jáne joldastyq kezdesýlerdiń bireýinde oına­dym. Gol da soqtym. Meni jaqsy qarsy alǵan edi quramadaǵy jigitter. Ol kezde 19 jasta edim. Ýnıversıtette oqı­tynmyn. Arno Paıpers Qazaqstanǵa sha­qyr­dy. Biraq dál sol kezde oqýyma baı­lanysty eshqaıda bara almadym. – Qazirgi jańa bapkerimiz cheh Beranekten shaqyrý alsań, quramada oınar ma ediń? – Ár qazaq balasy úshin bul úlken maq­tanysh. Árıne, Qazaqstan ulttyq qura­­ma­synda oınaǵym keledi! Áńgimelesken Arshat ORAZOV.