«Astana» alǵa adymdaýda

Demalys kúnderi fýtboldan Qazaqstan Premer-lıgasynyń HH týry aıaqtaldy. Osy týrda ótken tórt oıynda úsh ret alań ıeleri jeńse, bir oıynda qonaqtar úsh upaıdy oljalap ketti. Týrdyń basty oıyny Taldy­qorǵanda boldy. «Jetisý» Shym­kenttiń «Ordabasy» komandasyn qabyldady. Bul oıynda «As­tana­nyń» ókshesin basyp kele jatqan alań ıeleri 2:1 esebimen jeńip, ózderine aýadaı qajet úsh upaıdy ıelendi. «Astana» bolsa, óz ala­ńyn­da «Tarazdy» 1:0 esebimen utyp, kóshbasyndaǵy ornyn saq­tap qaldy. Eger oıyn bitken soń qosymsha berilgen úsh mı­nótte Bogaves 11 metrlik aıyp dobyn oryn­damaǵanda qarsylas­tar teń eseppen tarqasatyn edi. Biraq tó­reshiniń júregi astana­lyqtarǵa buryp turǵan oıyn osyndaı eseppen aıaqtaldy. Týrnır kestesiniń sońynda kele jat­qan «Qaısar» men «Vostok» úsh upaıǵa qol jetkizdi. Qy­zylordanyń komandasy «Qaırat­ty» – 2:0, «Vostok» syrt ala­ńyn­da «Atyraýdy» 1:0 esebimen utty. Bul týrda «Ertis», «Aqtóbe», «Tobyl» men «Shahter» Eýropa alańdarynda oınap jatqan­dyq­tan olardyń matchtary keıinge shegerildi. HH týrdan keıin mergender tizimin «Jetisýdiń» oıyn­shysy Ulyqbek Baqabaev bastap keledi. Ol 14 dop soǵyp otyr. Ekinshi oryn­da 11 dop soqqan «Shah­ter­diń» shabýylshysy Sergeı Hıjnıchenko bolsa, úshinshi oryndy Sergeı Grıdın («To­byl»), Malık Mane men Marat Haırýllın (ekeýi de «Aqtóbe») árqaısysy 8 dop soǵyp, ıelenip otyr. Dastan KENJALIN.