Qarymta qaıtarý múmkindigi

16 tamyz kúni «Astana-Arena» stadıonynda Qazaqstan men Sırııa quramalarynyń joldastyq kezdesýi ótedi. Buǵan deıin úsh ret kezdesken komandalardyń oıynyna ulttyq quramanyń bas bapkeri Mıroslav Beranek jan-jaqty daıyn­dalýda. О́ıtkeni, osy úsh oıyn­nyń bárinde bizdiń qurama qar­sylastarynan ese jibergen edi. Eki el quramalarynyń alǵashqy oıyny 1995 jyly 21 maýsymda Damaskide Azııa kýbogynyń irikteý kezeńinde ótken. Osy oıynda alań ıeleri Qazaqstandy 2:0 esebimen utsa, Almatyda ótken qa­rymta kezdesýde de qonaqtar biz­diń quramany 1:0 esebimen jeńip ketti. Sońǵy úshinshi matchta da alań ıeleriniń asyǵy al­shy­synan tústi. Iordanııada ótken joldastyq kezdesýde Sırııa Qa­zaq­standy 4:0 esebimen jeń­gen bolatyn. Endi bizdiń quramaǵa esemizdi qaıtaratyn kezi keldi dep oılaı­myz. Keshegi Ázerbaı­jan­men bolǵan oıynda jeńiske jet­ken Mıroslav Beranektiń ko­mandasy óz alańynda Sırııa­ny da je­ńe­tinine  sengimiz keledi. Bir aıta­tyn nárse, osy oıyn­ǵa «Egemen Qazaqstan» ga­zetiniń sońǵy nómi­rinde Gol­lan­dııanyń «Volendam» klý­byn­da óner kórsetetin qanda­sy­myz Murat О́nal shaqyrylsa eken degen tilegimiz bar. Bizdiń osy tilegimizdi Qazaqstan fýtbol federasııasynyń jumy­sy­na ja­qyn júretin gazet oqyr­mandary federasııa basshy­lyǵyna jetkizse degen nıetimiz dep bilińizder.