Norvegııa astanasy – Osla qalasyndaǵy parlament ǵımaraty aldyndaǵy jarylystan jeti adam qaza tapty. Artynsha osy el astanasynan 40 shaqyrym jerdegi Ýtoııa aralynda terrorshy 86 adamdy atyp óltirip, taǵy 96-syn jaralaǵan.
Anders Breıvık eki qylmysty da ózi jasaǵandyǵyn moıyndaǵanmen, raqymshylyqtan úmittenedi, dep jazady Guardian basylymy. Ol 1500 betten turatyn «2083 jylǵy Eýropa táýelsizdiginiń deklarasııasy» manıfestin jazǵan kórinedi. Fransııadaǵy ákesi Iens Breıvık jýrnalısterden kóz tasalap, Ispanııaǵa ketipti. Ol óz ulyn 15 jyldan beri kórmegendigin aıtady. Keshe terrorshyǵa qatysty sot bastaldy.
Ýgo Chaves qaıtatyn emes
Jaqynda Kýbada emdelýden ótken Venesýela prezıdenti Ýgo Chaves 2012 jylǵy kezekti prezıdenttik saılaýǵa taǵy túsetindigin málimdedi. Ol óziniń bul oıyn memlekettik gazetke bergen suhbatynda aıtqan.
1998 jyly prezıdent bolyp saılanǵan 56 jastaǵy Chaves óziniń rak aýrýyn jeńgendigin habarlady. Onyń sózine qaraǵanda, sońǵy tekserýler onyń densaýlyǵynyń birshama jaqsarǵanyn kórsetken. Endi Ýgo Chaves óz kandıdatýrasyn tórtinshi merzimge usynatyn bolady.
Sırııada kóppartııalylyq zańy ázirlendi
Sırııada kóppartııalylyq týraly zań jobasy ázirlenip, tek konstıtýsııany qadirlep, demokratııalyq qaǵıdattardy ustanatyn, eldiń zańdaryna baǵynatyn partııalarǵa ǵana jumys isteýge ruqsat bermek. Bul elde 1963 jyldan beri qurylǵan «Baas» partııasynan ózge partııa bolmaǵan.
Zań saıası qurylymdardy dindik, ulttyq, aımaqtyq nemese kásibı tegine qaraı qurýǵa múmkindik bermeıdi degen normalarmen qamtylǵan. Kez kelgen partııa óz jumysyn ashyq júrgizýi tıis jáne qarjylyq kózderi de belgili bolýy qajet. Al ázirge Sırııa bıligi qarsylyq kórsetýshilerdi áskerdiń kúshimen basýda, sonymen qatar saıası reformalar jasaıtyndyqtaryn da jıi qaıtalap keledi.
Jıyrmadan astam boıjetken qutqaryldy
Meksıka polısııasy eki kúndik jedel operasııa barysynda AQSh-tyń Tehas shtatymen shekaralas jatqan Sıýdad-Hýares qalasynda adam saýdasymen aınalysqan degen myńdaǵan kúdiktini tutqyndady. Shahar Meksıkanyń qylmystyq astanasy degen ataýǵa da ıe.
Bılik ókilderiniń málimetinshe, polısııanyń osyndaı áreketi nátıjesinde 20 boıjetken qyzdy qutqaryp qalýǵa qol jetkizilgen. Joǵalyp ketken adamdardy izdeý maqsatynda qala ortalyǵyndaǵy ondaǵan qonaq úıler men barlar tekserilgen. Quqyq qorǵaýshylar jas áıelderdiń jıi joǵalyp jatqany týraly budan buryn da talaı dabyl qaqqan bolatyn.
Prezıdenttik saılaý endi bastaldy
Tamyzdyń birinen bastap Reseıde Mıhaıl Prohorov basshylyq etetin «Pravoe delo» partııasy jappaı jarnama jasaýǵa kirisedi. «Kommersant» gazetiniń jazýynsha, Prohorov turǵyndar úshin ázirge belgisiz tulǵa retinde qalyp otyr.
Partııa basshylyǵy qala kóshelerinde bılbordtar ornalastyrýdy josparlap otyr. Sondaı-aq jańadan qurylǵan saıası qurylym óz qatarlaryna jańa múshelerdi qabyldaıtyn bolady. О́tken aptada «Pravoe delo» atynan saılaýǵa telejúrgizýshi Aleksandr Lıýbımov pen «Esirtkisiz qala» qorynyń basshysy Evgenıı Roızman túsetindikterin málimdedi.
Latvııa seımi taratylatyn boldy
Latvııalyqtardyń 95 paıyzy el parlamenti – seımdi taratýdy qoldap daýys bergen. Al el turǵyndarynyń 5 paıyzy seımdi taratýǵa qarsy ekendikterin bildirgen. Jalpy, referendýmǵa saılaý quqy bar azamattardyń 44 paıyzy qatysqan.
Parlamentti taratý týraly referendým ótkizý bastamasyn mamyr aıynda osy eldiń sol kezdegi prezıdenti Valdıs Zatlers kóterse, ol bul oıyn depýtattardyń el múddesinen góri jeke toptar men naqty bir adamnyń qamyn joǵary qoıatyndyǵymen baılanystyrǵan. Keıbir baıqaýshylar mundaı qadamdy Zatlers aldaǵy prezıdenttik saılaýda jeńý úshin jasady degen joramal aıtady. Alaıda, ol prezıdenttik saılaýda jeńilis tapqan bolatyn.
Tyńshyny tutqyndady
Armenııa ulttyq qaýipsizdik qyzmetiniń qyzmetkerleri Ázerbaıjan arnaıy qyzmet oryndarymen baılanysy bar degen kúdikpen 31 jastaǵy Erevan turǵynyn ustady. Atalǵan kúdiktini Grýzııamen shekaralasatyn aýmaqta qolǵa túsirgen.
UQK qyzmetkerleriniń derekterine qaraǵanda, tutqyndalǵan Karen Megrabıan uzaq ýaqyttan beri Taýly Qarabaqtyń áskerı áleýeti týraly aqparatty jınap, ony qarsy jaqqa jóneltip otyrǵan. Ol sondaı-aq el azamattary men áskerılerin osy múddesi úshin paıdalanbaq ta bolypty.
Qysqa qaıyryp aıtqanda:
*AQSh-ta qýyrshaq jasaýshy Mattel kompanııasynyń negizin qalaýshylardyń biri – Ellıot Hendler qaıtys boldy. Atalǵan kompanııa óziniń Barbı qýyrshaqtaryn jasaýymen álemge áıgili. Hendler 95 jasqa qaraǵan shaǵynda dúnıe saldy.
*Qytaıdyń Hanchjoý qalasynan Fýchjoý qalasyna jol tartqan D3115 júrdek poıyzyna jaı túsip, ony toqtatyp tastaǵan. Sonyń saldarynan artynda kele jatqan poıyz aldynǵysyna soqtyǵysqan. Oqıǵaǵa baılanysty úsh laýazym ıesi ornynan alyndy.
*Marokko astanasy Rabat qalasynda birneshe júzdegen adam kóshege shyǵyp, jaqynda engizilgen konstıtýsııalyq reformalardy kózboıaýshylyq deı otyryp, áleýmettik reformalardy qolǵa alýdy talap etti.
Iemenniń Aden qalasynda jankeshti jarylǵash zat toltyrylǵan avtokólikti jaryp jiberýinen segiz áskerı qaza taýyp, taǵy 15-i jaralandy. Jarylys áskerı lagerden jaýyngerler mingen áskerı kolonna shyǵa bergende jasalǵan.
*Vılnıýste Adolf Gıtlerdiń týǵan kúnin atap ótý aksııasyna qatysqan 10 adam ustaldy. Gıtlerdiń týǵan kúni qarsańynda belgisiz bireýler kásipodaq uıymy ǵımaratyna úshinshi reıhtyń jalaýyn ilip ketken. Ázirge olar óz aıyptaryn moıyndamaı otyr.
Internet materıaldary negizinde ázirlendi.