Elorda qaqpasynyń keskindemesi

О́tken senbi kúni Memleket basshysy Nursultan Nazarbaev «Astananyń Bas jobasy ǵylymı-zertteý jobalaý ınstıtýty» MKK-da boldy. Qazaqstannyń azattyǵyn aı­ǵaqtaıtyn el Táýelsizdiginiń 20 jyldyq mereıtoıyna oraı, Qa­zaq­stannyń elordasy – Astana qalasynda saltanatty qaqpa boı kótermek. Bul qaqpa 20 jyldyq belesti baǵyndyrǵan elimizdiń da­mý tarıhy men gúldenýiniń sım­voly ispetti desek, artyq aıt­qan­dyq bolmas. Astana qalasynyń ákimi Imanǵalı Tasmaǵambetov 20 jyldyń bederinde turǵan mem­leketimizdiń aıtýly mereı­to­ıy qarsańynda Memleket bas­shy­synyń nazaryna osy saltanatty qaqpanyń keskindemelik joba­laryn usyndy. Sonymen qatar, Prezıdentke qala qurylysy jo­balarynyń júzege asyrylý ba­rysy jaıynda baıandap berdi. Bir atap óterligi, búginde Astana qurylysy óziniń sheshýshi kezeńine qadam basty. Qazaq­stan­nyń sımvolyna aınalyp úlger­gen bas qala óziniń rýhanı orta­lyq retindegi ornyn da myqtap aıqyndady. Sol sebepti de Memleket basshysynyń nazaryna us­ynylǵan, bolashaqta ásem shahar tórindegi ǵımarattardyń qata­ry­nan sap túzeıtin biregeı nysan­dar­dyń barlyǵyn derlik sáýlet óneriniń búgingi zamanǵa saı tań­daýly úlgileri men sony sheshimderi dep senimdi túrde baǵa berýge bolady. Iаǵnı, olardyń kez kel­geni bas qalanyń baı arhı­tektýralyq ansamblin tolyq­ty­ra túspek. Al bul óz kezeginde Astana kórkiniń kún ótken saıyn aıshyqtala, ádemilene, sándene túsýine úles qosatyn bolady. Saltanatty qaqpa Prezıdent Nursultan Nazarbaevtyń ıdeıa­sy­nan týǵan qundy joba. Demek, ol qalanyń kezekti bir nysan­dary qatarynan oryn alyp qana qoımaıdy, Saltanatty qaqpa – 20 jyldyq merzim ishinde bedeldi ári turaqty memleket retinde álemdik saıasat sahnasynan oryn alǵan jas eldiń emblemasyna da aınalmaq. Osy oraıda, bul ny­sanda ulttyq naqysh úlgileri kórinis taýyp, ol jańa zamanaýı arhıtektýralyq sheshimdermen she­­ber shendestirilýi tıis, dedi Memleket basshysy. Budan keıingi kezekte Nur­sul­tan Nazarbaev qurylysy júrip jatqan «Astana Medıa Ortalyq» teleradıo keshenin aralap kórdi. Prezıdentke bul nysannyń jo­ba­syn elimizdiń Baılanys jáne aqparat mınıstri Asqar Juma­ǵa­lıev tanystyrdy. Atalǵan ke­shen­niń jalpy aýdany 75,5 myń sharshy metrdi quraıdy. Mınıs­tr­diń aıtýynsha, aýqymdy aýmaq­ty alyp jatqan keshen qura­myn­da apparatty-stýdııalyq bloktar, kóp arnaly telehabarlar taratý blogy, kóp arnaly radıohabarlar taratý blogy, 100 oryndyq kı­nokonsert zaly, ulttyq medıa­mu­raǵattyń appa­rat­tyq kesheni bar. Mundaı orta­lyq­tyń negizin qalaýdaǵy basty maqsat – memlekettik telearna­lar­dyń tehnıka­lyq bazasyn qa­zirgi zaman tala­by­na saı keletin standarttarǵa saı keltirý, me­dı­a­keńistikti ult­tyq medıakontentpen toltyrý, efırlik sandyq teledıdar men radıotaratý jú­ıesine ótý, elek­tron­dy medıamu­ra­ǵatty qurý bo­lyp tabylady. Iаǵnı, «Astana Medıa Orta­lyq» – ámbebap keshen. Onyń ereksheligi – bul jerge elimizdiń barlyq memlekettik elektrondy buqaralyq aqparat quraldary sho­ǵyrlanbaq. Al olardyń bar­lyǵy ozyq tehnologııalyq resýrstarmen biriktirilmek. Maman­dar­dyń sózine qaraǵanda, qazirgi zamannyń qaıtalanbas tehno­lo­gııa­lyq sheshimderine súıene oty­ryp, boı kóteretin mundaı me­dıa­­alańnyń burynǵy postkeńes­tik keńistik sheńberinde eshqandaı balamasy joq. Láıla EDILQYZY. Sýretti túsirgender S.BONDARENKO, B.OTARBAEV.