Syn aıtylyp, olqylyqtar kórsetildi

Ádilet mınıstrliginde ádilet or­gandarynyń keńeıtilgen alqa oty­rysy ótti. Oǵan beıne-konferensııa baılanysy arqyly oblys­tyq ádi­let, qylmystyq-atqarý jú­ıe­si, sot aktilerin oryndaý departa­ment­­te­ri­niń basshylary, jyljy­maı­tyn mú­lik jáne sot saraptama ortalyq­ta­ry­nyń dırektorlary qa­tysty. Onda ádilet organdary jumysyndaǵy naq­ty oń nátıjeler men keleli má­seleler sóz boldy. Ásirese, memlekettik organdar­dyń zań shyǵarý qyzmeti sapasyn odan ári kóterý, normashyǵarma­shy­lyq salasyndaǵy ádilet organdary­nyń jáne Zańnama ınstıtýtynyń úılestirý rólin kúsheıtý qajettigi aıtyldy. Bıznes úshin tirkeý rásimderin ońaılatý jáne turǵyndarǵa kórseti­le­tin elektrondy qyzmet túrlerin ke­ńeıtý máseleleri de kende qalmady. Mınıstrlik aǵymdaǵy jyly kom­mersııalyq uıymdardy tirkeý­diń habarlandyrý tártibine aýysý­dy qarastyratyn zań jobasyn ja­saýǵa kirisedi. Halyqqa kórsetiletin memlekettik qyzmetter úderisin ba­rynsha ońaılatýdy jáne eskirgen normalardan bas tartý kózdelýde. Atap aıtqanda, notarıaldy jáne advokattyq qyzmetpen aınalysýǵa lısenzııany tek elektrondy túrde berý josparlandy. Azamattardyń quqyqtary men múddelerin qamtamasyz etý maqsa­tynda jeke notarıýstardy eseptik tirkeý týraly jańa ereje men no­ta­rıaldyq is-júrgizý nusqaý bekitildi. Atalǵan qujattarmen notarıýstar ǵımarattary men jeke notarıaldyq muraǵattaryna talaptar belgilenip, qujattardy muraǵatqa ótkizý tár­tibi eskerildi. Ádilet departamentterine kórsetilgen aktilerdiń múl­tiksiz oryndalýyn qamtamasyz etý tapsyryldy. Alqada aýmaqtyq bólimshelerdiń jekelegen basshylary synǵa ilikti. Jambyl, Shyǵys Qazaqstan, Qos­tanaı, Aqmola jáne Aqtóbe oblys­tarynyń ádilet, qylmystyq-atqarý júıesi jáne sot aktilerin oryndaý departamentteriniń jumysyndaǵy olqylyqtar kórsetildi. Sybaılas jemqorlyqtyń aldyn alý jáne kúresý boıynsha jumysty qataıtý tapsyryldy. Alqa qorytyndysy boıynsha Ádilet mınıstri R. Túsipbekov qu­rylymdyq bólimsheler men jergilikti jerlerdegi departament bas­shylaryna tıisti tapsyrmalar berdi, dep habarlady Ádilet mınıstr­liginiń baspasóz qyzmeti. «Egemen-aqparat».