Oqýlyq ońbaı, balaǵa bilim qonbaıdy

Bilim jáne ǵylym mınıstri B.Jumaǵulovtyń tóraǵalyǵymen «Ýcheb­nık» respýblıkalyq ǵyly­mı-tájirıbelik ortalyqtyń qyz­me­tin jetildirý máselesi jóninde keńes ótti. Ortalyqtyń qyzmetin taldaý nátıjesi kórsetkendeı, oqý­­lyqtar men oqý-ádistemelik ke­shenderdi ázirleý jáne shyǵarý, otandyq júıeni qatań jetildirý talaby kún tártibine qoıylyp otyr desek, búginde eń basty sheshilmegen másele oqýlyqtardy saraptaý sapasy bolyp tur. Iá, kóptegen oqýlyqtar sa­pa­sy ata-analar men jurtshylyq­tyń qana emes, sony­men birge pe­dagogtardyń da renishin týdyryp otyr. Soǵan oraı ótken jyldyń qarasha aıynda saraptaý prosed­ý­rasyn jetildirý maq­satynda sharalar kesheni qa­byldanǵan bolsa, endi mine, táý­elsiz saraptaý júıe­si eńgizilip otyrǵanyn da aıta ketsek deımiz. Taǵy bir mańyzdy másele – ol jyldan jylǵa oqýlyq avtor­la­ry­nyń ózgermeýi. Ústimizdegi jyl­­dyń mamyr aıynda matematıka mu­ǵalimderiniń I sezinde mınıstr jańa formasııadaǵy avtorlar men sarapshylardy daıarlaý jáne oqý­lyqtar men oqý-ádis­temelerdiń sapasyna eksperttik qorytyndy bergen avtorlar to­lyq jaýap beretin ustanymdy qamtamasyz etý qajettiligin aıt­qan bolatyn. Bú­gingi jıyn osy sheshimniń du­rys­tyǵyn baıqatty. Qazaqstanda eks­pertterdi jáne oqý­lyqtardyń av­torlary men shy­ǵarýshylar mekte­bin qurý ýa­qyty keldi. Osy oraıda, aldaǵy aıdyń basynda Astana, Almaty, Atyraý, Taraz qalala­ryn­da oqý­lyqtar sa­pa­synyń má­se­le­leri boı­ynsha aımaqtyq jı­yndar ótkiziletin bolsa, bul má­sele 25 tamyzda Astanada ótetin res­pý­b­lıkalyq pedagogtar forý­myn­da talqylana­tyn negizgi ta­qyryp bol­maq dep, habarlady QR BǴM bas­­pasóz qyzmeti.